სიახლე
პლატფორმა "სალამი" თბილისის სახელმწიფო აზერბაიჯანული დრამატიული თეატრის თანამშრომლების სამსახურიდან გათავისუფლებას ეხმაურება
პლატფორმა #სალამ-ი თბილისის სახელმწიფო აზერბაიჯანული დრამატული თეატრის სამხატვრო ხელმძღვანელის, თურგაი ველიზადეს მიერ თეატრის 11 თანამშრომლის განთავისუფლების ფაქტს ეხმიანება.

უპირველეს ყოვლისა აღსანიშნავია, რომ საქართველოს აზერბაჯანელი თემის ერთ-ერთი ყველაზე დიდი წუხილი და გამოწვევა სწორედ ამ თეატრთან არის დაკავშირებული. საზოგადოების არა ერთი მცდელობის მიუხედავად, თეატრმა დღემდე ვერ შეძლო მისთვის დაკისრებული ფუნქციის შესრულება. სამწუხაროდ, აღნიშნული თეატრი დღესაც რჩება უსახო და ბინძური პოლიტიკის ასპარეზად, სადაც ხელოვან მსახიობებს არ გააჩნიათ არც რესურსები და არც შესაძლებლობა, რომ ბოლომდე გამოხატონ ეთნიკური აზერბაიჯანელი თემის სათქმელი თავად ამ თემში და მთლიანად საქართველოში.

სამწუხაროა, რომ დღემდე კულტურის სამინისტრო საბჭოთა კავშირის ტოტალიტარული და არადემოკრატიული მართვის პრინციპებით ხელმძღვანელობს და თეატრის მსახიობებთან კონსულატიების გარეშე და მათ პოზიციის საწინააღმდეგოდ უნიშნავს სამხატვრო ხელმძღვანელებს. სამხატვრო ხელმძღვანელები კი შეირჩევიან არა პროფესიონალიზმის, ნიჭის და შემოქმედებითი ფანტაზიების საფუძველზე, არამედ შიდა და გარე ძალების და ძალაუფლებების მიმართ ლოალურობის საფუძველზე.

სალამ-ი მიიჩნევს, რომ დღეს თბილისის სახელმწიფო აზერბაიჯანულ დრამატულ თეატრში მიმდინარე კრიზისი გამოწვეულია წლების განმავლობაში სახელწიფოს და კულტურის სამინისტროს არასწორი დამოკიდებულების და ხედვების გამო, და არა, ერთი კონკრეტული სამხატვრო ხელმძღვანელის არასწორი გადაწყვეტილების გამო.

სალამ-ი მოუწოდებს კულტურის სამინისტროს და შერიგებისა და სამოქალქო თანასწორობის საკითხებში სახლეწიფო მინისტრს, რომ სწორად შეაფასონ არსებული სიტუაცია და მოახდნონ სწრაფი და შესაბამისი რეაგირება თეატრში მიმდინარე მოვლენებთან დაკავშირებით.

დღეს არსებული სიტუაციის გათვალისიწნებით, როცა მთელი სახელმწიფო, არასამთავრობო სექტორი, ბიზნესი და აქტივისტები მოვუწოდებთ ყველა საქართველოს მოქალაქეს დარჩნენ სახლებში და არ გაავრცელონ კორონავირუსი. დღეს არსებული სოციალური ფონის გათვალისწინებით, როცა ძალიან ბევრი საქართველოს მოქალაქეს სახლში დარჩენით შიმშილობის საფრთხის წინაშე დგება. და დღეს არსებული პირობების გათვალისიწნებით, როცა სახელმწიფო მოუწოდებს მცირე ბიზნესებსაც კი უხელფასო შვებულებაზე არ გაუშვან თანამშრობლები. დასაგმობია, თეატრის სამხატვრო ხელმძღვანელის გადაწყვეტილება, რომლის მიხედვითაც, მან სამსახურიდან გაანთავისუფლა 11 თანამშრომელი, რომლებიც დიდი ხნის განმავლობაში მიზერულ ხელფასზე, თეატრის სიყვარულით და თავდადებულად იხარჯებოდნენ საქართველოს მრავალფეროვანი კულტურის გასამდიდრებლად.

სალამ-ი სოლიდარობას უცხადებს სამსახურიდან განთავისუფლებულ 11 თანამშრომელს. ჩვენ მოვუწოდებთ უფლება დამცველ ორგანიზაციებს, რომ აქტიურად ჩაერთონ ამ პროცესში და დაიცვან განთავისუფლებული თანამშორომლების ინტერესები.
FaceBook Twitter Google
მსგავსი სიახლეები
დაიცავი დისტანცია