27 oktyabr tarixinə olan məlumata görə, Gürcüstanda daha 23 nəfər koronavirusdan dünyasını dəyişdi. Bununla da ölkədə ölənlərin sayı artaraq 238 nəfərə yüksəldi.

Bu barədə məlumatı hökumət tərəfindən yaradılan stopcov.ge saytında yayımlanıb. Məlumata görə son sutka ərzidnə 23 nəfər koronavirusdan dünyasını dəyişib.

Digər məlumatlara gəlincə son 24 saat ərzində Gürcüstanda koronavirusa (Covid-19) 1 824 yeni yoluxma halı aşkarlanıb və yoluxan insanların sayı 32 127 nəfərə çatıb.

Sağalanların sayında da artım var – daha 1 262 nəfər sağalıb və sağalanların sayı 12 632 nəfər olub.

Karantin rejimində 3 757, stasionar nəzarət altında 3 847 nəfər var, 2 249 simptomsuz xəstə xüsusi mehmanxanalarda müalicə olunur. Bundan əlavə, 41 nəfər Gürcüstan vətəndaşı müalicə üçün xaricdən ölkəyə gətirilib.