რუსეთის საგარეო საქმეთა მინისტრი სერგეი ლავროვი აცხადებს, რომ დიდი
ხანია ნატო-ს გენერალური მდივნის, იენს სტოლტენბერგის განცხადებებს არ
განიხილავს, - ინფორმაციას “რია ნოვოსტი” ავრცელებს.
„ჩემი აზრით, მან უკვე დაკარგა კავშირი რეალობასთან“, -
აღნიშნა ლავროვმა მედიასთან საუბარში.
რუსეთის საგარეო უწყების ხელმძღვანელმა ეს განცხადება ნატო-ს
გენერალური მდივნის სიტყვებზე კომენტირებისას გააკეთა, რომლის
თქმითაც, ალიანსი აღმოსავლეთ ფლანგზე სამხედრო ყოფნის გაძლიერებას
განიხილავს და ეს შეიძლება მოიცავდეს ნატოს დამატებითი საბრძოლო
ჯგუფების განლაგებას.