ინტერნეტით საქონლისა და მომსახურების შეძენა სულ უფრო პოპულარული
ხდება, შედეგად, ელექტრონული კომერცია ზრდის ტრენდს აჩვენებს.
მიმდინარე წლის მესამე კვარტალში, ინტერნეტით რეკორდული რაოდენობის
ოპერაცია განხორციელდა.
ეროვნული ბანკის მონაცემებით, ივნისი - სექტემბრის პერიოდში
ინტერნეტით 31 136 521 ტრანზაქცია შესრულდა, მეორე კვარტალში ეს
მაჩვენებელი 24.7 ათასი იყო, პირველ კვარტალში კი 20.6 ათასი.
9 თვეში სულ ქართული საბარათე ინსტრუმენტებით შესრულდა 76.5 მლნ
ელექტრონული კომერციის ოპერაცია - თანხობრივად 5.45 მილიარდი ლარი.
წინა წელთან შედარებით, ქართული საბარათე ინსტრუმენტებით შესრულებული
ინტერნეტ–გადახდები 15%-ით ანუ 712 მლნ ლარით არის გაზრდილი.
აღსანიშნავია, რომ სექტემბერი გამორჩეული თვე იყო ელექტრონული
კომერციისთვის - 10 855 622 ტრანზაქციით, 781 მლნ ლარის ოპერაციები
შესრულდა.