მარნეულის მუნიციპალიტეტის ადგილობრივმა თვითმმართველობამ „სოფლის
პროგრამის“ ფარგლებში 18 სოფელში
სხვადასხვა სახის ინფრასტრუქტურული სამუშაოების შესრულებისათვის
საჭირო საპროექტო-სახარჯთაღრიცხვო დოკუმენტაციები გამარტივებული წესით
შეისყიდა.
მარნეულის მერიამ გამარტივებული შესყიდვით ხელშეკრულება შპს
„მერკური+“-თან გააფორმა. ხელშეკრულების მიხედვით, კომპანიამ 13 680
ლარად მერიას უნდა მიაწოდოს 18 სოფელში განსახორციელებელი პროექტების
საპროექტო-სახარჯთაღრიცხვო დოკუმენტაცია.
გთავაზობთ მარნეულის 18 სოფლის და მათში განსახორციელებელი პროექტების
ჩამონათვალს:
1. ბეითარაბჩი - სკოლის ეზოს შემოღობვა 31 000 ლარი
2. ბაითალო - მინი სტადიონის მოწყობა 20 000 ლარი
3. დიდი ბეგლიარი - სპორტულ მოადანთან ტრენაჟორების მოწყობა 24 000
ლარი
4. წითელი სოფელი - საბავშვო სკვერის მოწყობა 16 000 ლარი
5. დაშტაფა - საბავშვო სკვერის მოწყობა 20 000 ლარი
6. გიულბაღი - არსებული საბავშვო მოედნის რეაბილიტაცია 22 000
ლარი
7. წერაქვი - საბავშვო სკვერის შემოღობვა და ტრენაჟორების მოწყობა 20
000 ლარი
8. სიონი - არსებულ საბავშვო სკვერში ტრენაჟორების მოწყობა 20 000
ლარი
9. არაფლო - საბავშვო სკვერის მოწყობა 31 000 ლარი
10. ენიქენდი - საბავშო სკვერის მოწყობა 26 000 ლარი
11. ხუტორ-ლეჟბადინი - საბავშვო ატრაქციონების მოწყობა 22 000
ლარი
12. ლეჟბადინი - ფანჩატურის მოწყობა (სარეკრეაციო სივრცე) 26 000
ლარი
13. ამბაროვკა - საბავშვო ატრაქციონის მოწყობა 31 000 ლარი
14. წერეთელი - სათამაშო ატრაქციონის მოწყობა (რომელაშვილის ქუჩაზე)
40 000 ლარი
15. ნორგიული - სათამაშო ატრაქციონების მოწყობა 31 000 ლარი
16. თამარისი - სკვერის ტერიტორიაზე ტრენაჟორების მოწყობა 40 000
ლარი
17. ქვემო ყულარი - საბავშვო გასართობი მოედნის მოწყობა 26 000
ლარი
18. ალავარი - სოფლის ცენტრის შემოღობვა 10 000 ლარი
მარნეულის მერიამ შპს „მერკური+“-თან ხელშეკრულება 18 მაისს გააფორმა.
ა
ღსანიშნავია,
რომ 10 მაისს მარნეულის მერიამ 35 687 ლარის ღირებულების ოთხი
გამარტივებული შესყიდვა ოთხ სხვადასვა კომპანიასთან გააფორმა სოფლის
პროგრამის ფარგლებში განსახორციელებელი პროექტების
საპროექტო-სახარჯთაღრიცხვო დოკუმენტაციების შესადგენად. აღნიშნულ
ოთხ კომპანიას შორისაა „მერკური+“-იც რომელმაც მერიას 3 800 ლარად
მუნიციპალიტეტის 7 სოფელში სასაფლაოების შემოღობვის
საპროექტო-სახარჯთაღრიცხვო დოკუმენტაციაც უნდა მიაწოდოს.
მარნეულის მასშტაბით სოფლის მხარდაჭერის პროგრამის ფარგლებში სოფლის
საერთო კრებები და მოსახლეობასთან კონსულტაცია 1-15 თებერვალს
მიმდინარეობდა. სოფლის მხარდაჭერის პროგრამისთვის 2023 წელს
საქართველოს რეგიონებში განსახორციელებელი პროექტების ფონდიდან 1 232
000 ლარი გამოიყო. თანხა სოფლებზე მოსახლეობის რაოდენობის მიხედვით
გადანაწილდა. თითო სოფელზე მინიმალური თანხა 10 000, ხოლო მაქსიმალური
20 000 ლარს შეადგენს.