სარეცხი მანქანის შეძენა მნიშვნელოვანი გადაწყვეტილებაა და იმისათვის, რომ თქვენს საჭიროებებზე მორგებული მოდელი შეარჩიოთ, არაერთი დეტალი უნდა გაითვალისწინოთ. თუ ახლა სარეცხი მანქანის შეძენის პროცესში ხართ, ეს ბლოგი უნდა წაიკითხოთ, რადგან ყველა იმ დეტალს განვიხილავთ, რომელიც სწორ გადაწყვეტილებამდე მიგიყვანთ. 

სარეცხი მანქანის ტიპები
პირველ რიგში, უნდა გადაწყვიტოთ, რომელი ტიპის სარეცხი მანქანაა თქვენთვის შესაფერისი - ვერტიკალური თუ ფრონტალური ჩატვირთვის.

ფრონტალური ჩატვირთვის სარეცხი მანქანა ტრადიციული ტიპისაა და, როგორც წესი, უფრო ბიუჯეტურია. ადვილად იტვირთება, ხანმოკლე რეცხვის რეჟიმი აქვს და უფრო მეტ წყალსა და ელექტროენერგიას მოიხმარს.

ვერტიკალური ჩატვირთვის სარეცხი მანქანები კი უფრო ენერგოეფექტურია და ნაკლები წყალი სჭირდება. ასეთი მანქანები ვიწრო და კომპაქტურია და მოსახერხებელია პატარა სივრცისთვის. მისი სიმძლავრიდან გამომდინარე, იდეალურია დიდი ოჯახებისთვის.

ტევადობა
ტევადობა სარეცხი მანქანის შერჩევის კრიტერიუმებიდან ერთ-ერთი ყველაზე მნიშვნელოვანია. გაითვალისწინეთ, თუ რა დატვირთვით იმუშავებს სარეცხი მანქანა და ტევადობაც ამის მიხედვით შეარჩიეთ, რათა გადატვირთვის გარეშე გაუმკლავდეს ყოველდღიურ დატვირთვას.

ენერგოეფექტურობა
გასათვალისწინებელი ფაქტორია ენერგოეფექტურობაც. ეკონომიური მოწყობილობები დაზოგავს თქვენს ბიუჯეტსაც და ნაკლები ზემოქმედება ექნება გარემოზეც. მოძებნეთ სარეცხი მანქანები მაღალი Energy Star რეიტინგებით, რომლებიც ნაკლებ ელექტროენერგიას მოიხმარს.

წყლის მოხმარება
ენერგოეფექტურობის გარდა, წყლის მოხმარების დონესაც უნდა მიაქციოთ ყურადღება. როგორც წესი, ფრონტალური ჩატვირთვის მანქანები, ვერტიკალური ჩატვირთვის სარეცხი მანქანებთან შედარებით ნაკლებ წყალს მოიხმარენ. თუ თქვენი მიზანი წყლის მოხმარების შემცირებაა, ფრონტალური ჩატვირთვის მანქანა უკეთესი არჩევანი იქნება.

ბრუნვის სიჩქარე
სარეცხი მანქანის ბრუნვის სიჩქარე გაწურვის სისტემის სიმძლავრეს განსაზღვრავს და არჩევანის გაკეთებამდე ამ კრიტერიუმსაც მიაქციეთ ყურადღება. გაწურვის მაღალი სიჩქარე სარეცხი გაშრობის დროს ამცირებს. გირჩევთ, მოძებნოთ მანქანა რეგულირებადი ბრუნვის სიჩქარის პარამეტრებით, რათა თქვენი სპეციფიკური საჭიროებები დააკმაყოფილოს.

ხმაურის დონე
თუ თქვენი სარეცხი მანქანა მისაღებ ოთახთან ან საძინებლებთან ახლოს იქნება, არჩევანი ხმადაბალ მანქანაზე გააკეთეთ. შეამოწმეთ დეციბელის რეიტინგი, რათა დარწმუნდეთ, რომ თქვენი სარეცხი მანქანის ხმაურის დონე ყოველდღიურად არ შეგაწუხებთ.

ფუნქციები
თანამედროვე სარეცხ მანქანებს მრავალი ფუნქცია აქვს. ზოგიერთს 15-წუთიანი სწრაფი რეცხვის რეჟიმი აქვს, ასევე შრობისა და სარეცხის ჩამატების ფუნქცია, ანტიალერგიული რეცხვა მგრძნობიარე კანის მქონე ადამიანებისთვის და სხვ. შეძენამდე კარგად დაფიქრდით თქვენს საჭიროებაზე და გადაწყვეტილება შემდეგ მიიღეთ.

ბრენდი და გარანტია
სარეცხი მანქანის შეძენისას ყურადღება უნდა მიაქციოთ მწარმოებელ კომპანიასაც. რეპუტაციის მქონე ბრენდები ხშირად ხარისხიან ტექნოლოგიებს გვთავაზობენ. გაეცანით სხვადასხვა ბრენდს და წაიკითხეთ მომხმარებელთა შეფასებები. ამ გზით გონივრული გადაწყვეტილების მიღება გაგიმარტივდებათ. დაინტერესდით გარანტიითაც და არჩევანი შეაჩერეთ იმ ბრენდზე, რომლის გარანტიის პერიოდი და პირობებიც დაგაკმაყოფილებთ.

ღირებულება
გარდა ზემოთ ჩამოთვლილი კრიტერიუმებისა, სარეცხი მანქანის შეძენისას თქვენი ბიუჯეტიც უნდა გაითვალისწინოთ. შესაძლებელია, თქვენი მიზანი თანხის დაზოგვა იყოს და დაბალბიუჯეტიანი სარეცხი მანქანის შეძენას ფიქრობდეთ, თუმცა გრძელვადიანი პერსპექტივაც გაითვალისწინეთ. მანქანა, რომელიც ნაკლებ წყალს მოიხმარს და ენერგოეფექტურია, სამომავლოდ უფრო მეტ თანხას დაგაზოგვინებთ.

შეჯამება
სარეცხი მანქანის არჩევისას სხვადასხვა ფაქტორის გათვალისწინებაა საჭირო. უნდა განსაზღვროთ სარეცხი მანქანის ტიპი, სიმძლავრე, ტევადობა, ენერგოეფექტურობა, ბრენდი, გარანტია და ა.შ. სწორი არჩევანის გასაკეთებლად, შეაფასეთ თქვენი ოჯახის სპეციფიკური საჭიროებები და მოთხოვნები და შეიძინეთ მანქანა, რომელიც ყველა თქვენს სურვილს დააკმაყოფილებს.