თბილისში პარკირებაზე ორ თვეში 2,9 მლნ ლარის ჯარიმა დაიწერა.
საქართველოს ნაერთი ბიუჯეტის შემოსულობების (კონსოლიდაციის გარეშე),
მიხედვით, 2024 წლის იანვარ-თებერვალში დედაქალაქში პარკირების
წესების დარღვევისთვის გამოწერილი ჯარიმებით ბიუჯეტში 2 931 627 ლარი
შევიდა, 2023 წლის ანალოგიურ პერიოდში - 2 292 560 ლარი.
ამასთან, გაზრდილია ზოგადად საგზაო მოძრაობის წესების დარღვევისთვის
ბიუჯეტში შესული თანხის მოცულობაც. ფინანსთა სამინისტროს მონაცემებით,
წელს იანვარ-თებერვალში საგზაო მოძრაობის წესების დარღვევისთვის
ბიუჯეტში 34,506 მლნ ლარი შევიდა, წინა წლის 2 თვეში - 33,791 მლნ
ლარი.
ცნობისთვის, 2022 წლის შემოდგომიდან პარკირების წესების დარღვევაზე
ჯარიმები გაიზარდა, ნაცვლად 10 ლარისა, 50 ლარი გახდა.