2023-2024 სასწავლო წლისთვის საქართველოს უმაღლეს სასწავლებლებში სულ
30 701 უცხოელი სწავლობს,
რაც წინა წლის ანალოგიურ პერიოდთან შედარებით 5 632 ათასი სტუდენტით
მეტია. ინფორმაციას საქსტატი ავრცელებს.
რაც შეეხება ფაკულტეტების ჩამონათვალს, რომლებზეც ყველაზე მეტი
უცხოელი სწავლობს, ასეთია:
- ჯანდაცვა და სოციალური უზრუნველყოფა - 27 750
სტუდენტი
- სოციალური მეცნიერებები, ბიზნესი და სამართალი - 1 392
სტუდენტი
- მეცნიერება - 850 სტუდენტი
- საინჟინრო, დამამუშავებელი და სამშენებლო დარგები - 330
სტუდენტი
- ჰუმანიტარული მეცნიერებები და ხელოვნება - 249
სტუდენტი
ზოგადად, 2023-2024 სასწავლო წლისთვის საქართველოს უმაღლეს
საგანმანათლებლო დაწესებულებებში სტუდენტთა რიცხოვნობამ 177.8 ათასი
შეადგინა, რაც წინა სასწავლო წელთან შედარებით 10.2%-ით მეტია.
სახელმწიფო უმაღლეს საგანმანათლებლო დაწესებულებებში სწავლობს
სტუდენტთა საერთო რიცხოვნობის 59.1 პროცენტი, ხოლო კერძოში - 40.9
პროცენტი. სტუდენტთა საერთო რიცხოვნობიდან 51.2% ქალია, ხოლო 48.8% -
კაცი.