საქართველოში 2024 წლის იანვარ-თებერვალში ვაშლის იმპორტი წლიურად 105%-ით გაიზარდა. გასული წლის პირველ ორ თვეში საქართველომ 193 ათასი დოლარის 463 ტონა ვაშლი იყიდა, ხოლო მიმდინარე წლის იმავე პერიოდში - 396 ათასი დოლარის 835 ტონა.

საანგარიშო პერიოდში საქართველოს 1 კგ. ვაშლის საიმპორტო ფასი 12%-ით გაუძვირდა, თუ გასულ წელს 1 კგ-ის ფასი 0.42 დოლარი იყო, მიმდინარე წელს 0.47 დოლარამდე გაიზარდა. აღსანიშნავია ისიც, რომ ყველაზე ძვირი, 1.87 დოლარი, ნიდერლანდებიდან გვიჯდება, ხოლო ყველაზე იაფი, 0.42 დოლარი - ირანიდან.

ვაშლის იმპორტიორი ქვეყნები 2024 წლის იანავრ-თებერვალში იყო:

• თურქეთი - 140 ათასი დოლარის
• უკრაინა - 95 ათასი დოლარის
• ირანი - 83 ათასი დოლარის
• სომხეთი - 46 ათასი დოლარის
• რუსეთი - 13 ათასი დოლარის
• აზერბაიჯანი - 10 ათასი დოლარის
• ნიდერლანდები - 9 ათასი დოლარის

რაც შეეხება ადგილობრივ ექსპორტს, ქართული წარმოების ვაშლის ექსპორტი 68%-ით შემცირა. მიმდინარე წლის პირველ ორ თვეში ექსპორტირებულია 571 ათასი დოლარის 831 ტონა ვაშლი, ხოლო გასული წლის იმავე პერიოდში 1,763 მლნ დოლარის 2,765 ტონა.

რაც შეეხება საექსპორტო ფასს, 2024 წლის იანვარ-თებერვალში 7.8%-ით გაძვირდა. გასულ წელს 1 კგ ქართული წარმოების ვაშლის ექსპორტი 0.64 დოლარი გვიჯდებოდა, ხოლო მიმდინარე წლის საანგარიშო პერიოდში 0.69 დოლარი.

ქართული ვაშლი ექსპორტზე გავიდა შემდეგ ქვეყნებში:

• რუსეთი - 567 ათასი დოლარის 822 ტონა
• სომხეთი - 3 790 დოლარის 8 ტონა