უცხოეთში ოფიციალურად საქართველოს 27 291 მოქალაქეა რეგისტრირებული, საიდანაც სრულწლოვანია 23 281, არასრულწლოვანი კი 4 010 - ამის შესახებ აღნიშნულია სახელმწიფო სერვისების განვითარების სააგენტოს მიერ დეპუტატ ლევან ხაბეიშვილის კითხვის საპასუხოდ.

სააგენტოს მონაცემებით, საქართველოს ყველაზე მეტი მოქალაქე რეგისტრირებულია რუსეთის ფედერაციაში - 7 569, მეორე ადგილზეა საბერძნეთი - 4 048, სამეულში შედის უკრაინა, სადაც 2024 წლის აპრილის მდგომარეობით რეგისტრირებულია საქართველოს 2 652 მოქალაქე.

ათეულში შედიან:

• გერმანია - 1 917 მოქალაქე
• ესპანეთი - 1 475 მოქალაქე
• აშშ - 1 407 მოქალაქე
• საფრანგეთი - 1 118 მოქალაქე
• ისრაელი - 1 070 მოქალაქე
• თურქეთი - 731 მოქალაქე
• ბელგია - 710 მოქალაქე

სააგენტოს პასუხის შესაბამისად, 1 118 მოქალაქის შემთხვევაში ქვეყანა მითითებული არ არის.

საქართველოს თითო-თითო მოქალაქეა რეგისტრირებულია კოლუმბიაში, მალტაში, ლუქსემბურგში, სლოვენიასა და ტაჯიკეთში.

---

„ქართული ოცნება“ კიდე ერთხელ აპირებს რუსული კანონის მიღებას, რომელიც 2023 წლის მარტში მასობრივი პროტესტის შედეგად უკან გაიწვიეს. „ქართულმა ოცნებამ“ გასულ წელს დადო პირობა, რომ რუსულ კანონს აღარ დაუბრუნდებოდნენ, მაგრამ პირობა დაარღვია. ქართულმა ოცნებამ კანონპროექტის პირვანდელი ფორმულირებიდან მხოლოდ სიტყვა "აგენტი" ამოიღო და ის უცხოური ძალის ინტერესების გამტარებლით შეცვალა.
კანონის მიხედვით, ყველა არასამთავრობო და მედიაორგანიზაცია, რომლის შემოსავლების 20%-ზე მეტი უცხოეთიდან არის მიღებული უცხოური ძალია ინტერესების გამტარებლად ჩაითვლება. სახელმწიფო არ გამოიკვლევს თუ რას საქმიანობენ და რა მიზნებს ემსახურებიან ეს ორგანიზაციები და მათ ყველას უცხოური ძალის ინტერესის გამტარებლად შერაცხავს.
კანონი მიმართულია ევროპასა და ამერიკისაგან შემოსულ დაფინანსებებზე და არა მტრულად განწყობილი ქვეყნებიდან შემოსულ დაფინანსებებზე, როგორც ეს ცივილიზებულ ქვეყნებშია.
კანონის ინიცირების გამო შეშფოთება გამოთქვეს ევროკავშირის წევრმა და საქართველოს მეგობარი ქვეყნების ლიდერებმა, რუსეთის პრეზიდენტის პრესმდივანმა კი „ქართული ოცნების“ კანონი მოიწონა.