"მოთხოვნა დიდია, თუმცა საკმარისი ადგილები არ არსებობს" - მარნეულის ბაგა-ბაღების გაერთიანების ხელმძღვანელი
“მოთხოვნა როგორც იცით, ძალიან დიდია, თუმცა საკმარისი ადგილები არაა“ - ეს განცხადება მარნეულის ბაგა-ბაღების გაერთიანების უფროსმა ზაურ ქარამოვმა, რადიო "მარნეულთან" მიცემულ ინტერვიუში განაცხადა და გამოეხმაურა გუშინდელ დღეს, 3 ივნისს, როდესაც მათ სამსახურთან მშობლების უწყვეტი რიგი იდგა, რათა შვილები საბავშვო ბაღებში გადაენაწილებინათ. ზაურ ქარამოვის თქმით, გუშინ გვიანობამდე მუშაობდნენ და ერთ-ერთ ბაღში 200-ზე მეტი აღსაზრდელის დარეგისტრირებაც კი მოახერხეს.
„ 217 ბავშვი მარტო N3 საბავშვო ბაღში დავარეგისტრირეთ. დანარჩენ ბაღებში შედარებით ნაკლები იყო. ჩვენთან მხოლოდ ქალაქის ბაღებში მსურველები რეგისტრირდებიან. სოფლებში რეგისტრაცია კიდევ ცალკე მიმდინარეობს“ - თქვა ზაუ ქარამოვმა
ზაურ ქარამოვს იმედი აქვს, რომ ბავშვების გარკვეული ნაწილი რეზერვში დარჩება. მათი გადანაწილება, შესაძლოა იმ ორ საბავშვო ბაღში მოხდეს, რომლის მშენებლობაზეც ინფორმაცია ქარამოვს აქვს. თუ რამდენ აღსაზრდელს დაიტევს მარნეულის მასშტაბით არსებული საბავშვო ბაღები წელს, ეს ინფორმაცია მას შემდეგ გახდება ცნობილი, რაც რეგისტრაციისთვის რამდენიმე ეტაპად დაყოფილი ვადები ამოიწურება.
საბავშვო ბაღებში აღსაზრდელების განთავსების პრობლემა რომ გვაქვს, ეს იფორმაცია ახალი ნამდვილად არ არის . დღეს 84 სოფლისა და ქალაქ მარნეულის 130 000 მოსახლეზე მხოლოდ 14 მოქმედი ბაღია. კანონი კი სახელმწიფოს ავალდებულებს უზრუნველყოს თითოეული ბავშვის სკოლამდელი განათლების სისტემაში ჩართვა.
აღსანიშნავია ისიც, რომ მარნეულის ახლადარჩეულ მერს, ზაურ დარგალს, საბავშვო ბაღების მშენებლობა წინასაარჩევნო პროგრამაში აქვს გაწერილი.
ამავე თემაზე:
ხალხმრავლობა მარნეულის ბაგა-ბაღების გაერთიანებასთან
მსგავსი სიახლეები
ჩვენ შესახებ
ორგანიზაციის ძირითადი მიზანია მარნეულის მუნიციპალიტეტში მედია პლათპორმის მეშვეობით მისცეს მოსახლეობას (თემს) საშუალება ისარგებლოს უფლებით იყოს ინფორმირებული და გააძლიეროს სამოქალაქო სექტორი და მისცეს საშუალება თემს იყოს აქტიურად ჩართული გადაწყვეტილების მიღების პროცესებში.
საკონტაქტო ინფორმაცია
mobile: +995 557 99 44 15
ელ. ფოსტა: marneulifm@gmail.com
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
