მერიამ 190 628 ლარის გზის დაგების ტენდერები ერთ კომპანიას გაუფრომა

13:27 / 20.07.2023

მარნეულის მუნიციპალიტეტის მერიამ სოფლის პროგრამების ფარგლებში განსახორციერლებელი რამდენიმე პროექტის შესასრულებლად გამარტივებული შესყიდვა განახორციელა.

190 628 ლარის ღირებულების გამარტივებული ტენდერები ერთ კოპმანიასთან, შპს ,,ჯი ემ ჯი ქონსთრაქშენი 2022’’ - თან პირდაპირი წესით გააფორმა.

კომპანია, მარნეულშია რეგისტრირებული და მისი დირექტორი მამუკა აზარაშილია. გთავაზობთ იმ სოფლების ჩამონათვალს და თანხის ოდენობას, სადაც 2023 წლის სოფლის მხარდაჭერის პროექტების ფარგლებში გზების რეაბილიტაცია უნდა განხორციელდეს:

38`405. 16 ლარი

სოფლის პროგრამის ფარგლებში მარნეულის მუნიციპალიტეტის სოფელ ბრდაზორში შიდა გზების მოხრეშვის, სოფელ ახკერპი - ვერხვიანის დამაკავშირებელი გზის მოხრეშვის და სოფელ ჯანხოშში შიდა გზის რეაბილიტაციის (მისასვლელ გზაზე არმირებული ბეტონის მოწყობა) სამუშაოები .

38`519. 80 ლარი

სოფლის პროგრამის ფარგლებში სოფ. ჩანახჩში ხიდის რეაბილიტაციის და სოფელ ხულდარაში შიდა გზების მოხრეშვის სამუშაოები

38 618. 32 ლარი

სოფლის პროგრამის ფარგლებში მარნეულის მუნიციპალიტეტის სოფელ მოლაოღლში გზაზე ც/ბეტონის საფარის მოწყობის სამუშაოები

36 521. 10 ლარი

სოფლის პროგრამის ფარგლებში მარნეულის მუნიციპალიტეტის სოფელ იმირჭალაში, სოფელ გაჯისაქენდში და სოფელ ყუდროში შიდა გზების მოხრეშვის სამუშაოები

38`564.07 ლარი

სოფლის პროგრამის ფარგლებში მარნეულის მუნიციპალიტეტის სოფელ ბურმაში გზაზე ც/ბეტონის საფარის მოწყობის სამუშაოები და სოფელ ზემო ყულარში შიდა გზების მოხრეშვის სამუშაოები .

სატენდერო დოკუმენტაციის თანახმად, სამუშაოებისთვის გამოყოფილი თანხების ნაწილს ცენტრალური ბიუჯეტი, ნაწილს კი ადგილობრივი თითმმართველობა აფინანსებს.

ავტორი:

თეა დავაძე