Bolnisi meri Davit Şerazadişvili, məkan quruculuğu və infrastruktur
xidmətinin nümayəndələri ilə birlikdə Kvemo Bolnisi (Kəpənəkçi)
kəndinin çəkilişi başa çatmış daxili yollarını nəzərdən keçiriblər.
Bolnisi meriyasından İPN-ə verilən məlumata görə, infrastruktur
layihəsi çərçivəsində kənddə 1350 metr məsafədə müasir standartlara
cavab verən beton yol və kanalizasiya arxları çəkilib. Layihə
“Regionlarda həyata keçiriləcək layihələr fondu” və yerli büdcənin
birgə maliyyəsi ilə həyata keçirilib. Layihənin ümumi dəyəri 643
488 lari təşkil edib.
“Bolnisi bələdiyyəsi üçün bizim vətəndaşların tələbini
yerinə yetirmək həmişə prioritetdir. Ona görə də pandemiyaya
baxmayaraq Kvemo Bolnisidə beton yolun çəkilməsi işlərini həyata
keçirdik. Sevinirəm ki, əhali indi artıq yolda rahat hərəkət edə
biləcək. Kvemo Bolnisi və bələdiyyənin başqa kəndlərində yol
infrastrukturunun qurulması işləri gələcəkdə də fəal şəkildə həyata
keçiriləcək”, — Bolnisi bələdiyyəsinin meri Davit
Şerazadişvili bildirib.