ვერძი

ამ დღეს თქვენთვის რჩევის მოცემას აზრი არ აქვს, მაინც ისე გააკეთებთ, როგორც თავად გსურთ, თუმცა კონფლიქტისთვის განწყობილი არ ხართ და ნებისმიერ უთანხმოებას მშვიდად გადალახავთ.

კურო

ყველაფერში, რაც ფულს და გრძნობებს ეხება, სიტუაციას განაგებთ. მთავარია, შინაგანი წონასწორობა შეინარჩუნოთ და ნებისმიერ საქმეს თქვენთვის ხელსაყრელი შედეგით დაასრულებთ. შეგიძლიათ უფროსს ხელფასის გაზრდაზეც კი დაელაპარაკოთ – მთავარია, ნაკლები ემოცია და მეტი დამაჯერებელი არგუმენტი მოიმარაგოთ.

ტყუპები

ამ დღეს შეიძლება ყურადღების ცენტრში აღმოჩნდეთ და ეს ძალიან პოზიტიური და სასიამოვნო ყურადღება იქნება. ბედი გაძლევთ იდეალურ შანსს, რომ თქვენი ძველი გეგმები განახორციელოთ! დროა, დიდი ხნის უნახავი მეგობარი მოინახულოთ, რომელსაც ახლა თქვენი მორალური მხარდაჭერა სჭირდება.

კირჩხიბი

ამ დღეს ვიღაც აუცილებლად ეცდება თქვენით მანიპულირებას, თანაც ამას იმდენად მოხერხებულად გააკეთებს, რომ შეიძლება ვერც შენიშნოთ, როგორ აღმოჩნდით მისი გავლენის ქვეშ. თუ არ გსურთ, რომ მთელი დღე სხვის დაკრულზე იცეკვოთ, გარშემო მყოფებთან ურთიერთობაში სიტყვა „არა“ უფრო ხშირად უნდა გამოიყენოთ.

ლომი

ამ დღეს აღმოაჩენთ კავშირს ფაქტებსა და მოვლენებს შორის, რომლებიც ადრე შემთხვევითი გეგონათ. ეს საშუალებას მოგცემთ, სამომავლო გეგმებში მცირე კორექტივები შეიტანოთ.

საქმიანი მოლაპარაკებები თქვენთვის სასურველი სცენარით განვითარდება, მაგრამ ყველა დაპირებას, რომელსაც დღეს მოისმენთ, არ უნდა დაუჯეროთ. გირჩევთ, უცნობ ადამიანებთან ურთიერთობა მინიმუმამდე შეამციროთ. მოერიდეთ ნაჩქარევ შესყიდვებს და ფული დაუფიქრებლად არ დახარჯოთ.

ქალწული

ცდილობთ, რომ რაღაც საჭირო და სასარგებლო გააკეთოთ და ამ საქმიანობაში ოჯახის წევრებიც ჩართოთ. ახლობელი ადამიანები თქვენს ამ ინიციატივას თუ აღფრთოვანებით არა, ზედმეტი წუწუნის გარეშე შეხვდებიან.

სასწორი

ამ დღეს საქმეებს ადვილად გაუმკლავდებით. თქვენმა თვითორგანიზების უნარმა შესაძლოა არა მხოლოდ გარშემომყოფები, არამედ თავადაც გაგაოცოთ. მშვენიერი დღეა თქვენი ჩანაფიქრის განხორციელებისთვის, რაშიც ვარსკვლავებიც დაგეხმარებიან.

მორიელი

ამ დღეს დარწმუნდებით, რომ ცხოვრება თამაში არ არის და არც გარშემო მყოფები აპირებენ თქვენი მორჩილი თოჯინის როლი ასრულონ. თუ ადამიანებით მანიპულირების სურვილს ვერ ერევით, გირჩევთ, ის რომელიმე კომპიუტერულ თამაშში გამოიყენოთ. ხელსაყრელი დღეა ოჯახური პრობლემების მოსაგვარებლად.

მშვილდოსანი

ეს დღე დადებითი, შემოქმედებითი ენერგიით აგავსებთ! თქვენი ნებისმიერი გადაწყვეტილება სიბრძნითა და წონასწორობით გამოირჩევა. შესაძლოა, მატერიალურ მხარდაჭერასთან დაკავშირებული მნიშვნელოვანი საკითხები მოაგვაროთ და ახალი პროექტის განხორციელებისთვის თანხა მიიღოთ.

თხის რქა

ნებისმიერ წვრილმანს ზედმეტად ემოციურად აღიქვამთ და ენერგიას უმნიშვნელო საკითხებზე ხარჯავთ. ამის გამო, შესაძლოა, უამრავი შესაძლებლობა დაკარგოთ, რომელსაც ეს დღე გულუხვად გთავაზობთ. წარმატების გასაღები მარტივია - წვრილმანები დაივიწყეთ და მთელი ყურადღება მნიშვნელოვანი საკითხებისკენ მიმართეთ.

მერწყული

ბედი თითქმის ყველა შესაძლებლობას გთავაზობთ, რომ სოციალურ იერარქიაში ერთი საფეხურით მაინც აიწიოთ. პიროვნული მომხიბვლელობის წყალობით ნებისმიერი სიტუაციიდან შეგიძლიათ სარგებელი მიიღოთ და ყველაზე უიმედო საქმეც კი თქვენთვის სასარგებლოდ შეამოატრიალოთ. ამ დღეს ასაკით უფროსი ადამის ცხოვრებისეული გამოცდილება ძალიან დაგეხმარებათ.

თევზები

სახლში საკმაოდ ჰარმონიული და პოზიტიური ატმოსფეროა, რაც იმის დამსახურებაა, რომ კონფლიქტებისა და გაუგებრობების ადრეულ ეტაპზე აღმოფხვრა შეგიძლიათ. თუ საყვარელ ადამიანებთან ურთიერთობაში პრობლემები მაინც დაგრჩათ, ეს დღ შესანიშნავია გულწრფელი საუბრისა და ვითარების გამოსასწორებლად.