საქართველოს შინაგან საქმეთა სამინისტროს განცხადებით, 26 აპრილის 21
საათიდან 27 აპრილის დილის 6 საათამდე საგანგებო მდგომარეობის
რეჟიმისა
და კომენდანტის საათის დარღვევის 115 ფაქტი გამმოავლინეს.
მათ შორის, 68 ადამიანი უწყებამ ე.წ. კომენდანტის საათის დარღვევის
გამო დააჯარიმა, ერთმა პირმა კი შსს-ის განცხადებით, თვითიზოლაციის
წესები დაარღვია.
გარდა ამისა, უწყების განცხადებით, სამართალდამცველებმა მგზავრთა
გადაყვანისა და ავტომობილით გადაადგილების წესის დარღვევის ფაქტზე
კიდევ 23 პირი დააჯარიმეს, საჯარო სივრცეში 3-ზე მეტი პირის შეკრების
და 2-მეტრიანი სოციალური დისტანციის დაუცველობის გამო, კი – 23
მოქალაქე.
საგანგებო მდგომარეობის რეჟიმის დარღვევა იწვევს ადმინისტრაციულ
პასუხისმგებლობას – ფიზიკური პირის დაჯარიმებას 3 000 ლარით, ხოლო
იურიდიული პირის – 15 000 ლარით.