შემოსავლების სამსახურის ინფორმაციით, საბაჟო გამშვები პუნქტის,
ყაზბეგის მებაჟე ოფიცრებმა,
ეროვნული ბანკის გაცვლითი კურსის მიხედვით 464 595 ლარის ოდენობის,
არადეკლარირებული თანხის მალულად შემოტანის 3 ფაქტი აღკვეთეს.
"ფინანსთა სამინისტროს შემოსავლების სამსახურის მებაჟე
ოფიცრებმა, ეჭვის საფუძველზე, უცხო ქვეყნის მოქალაქეების, როგორც
ფიზიკური, ასევე კუთვნილი ბარგისა და მათი მართვის ქვეშ არსებული
ავტომობილების დეტალური დათვალიერების შედეგად, არადეკლარირებული
თანხა ჯამში: 80 000 აშშ დოლარი და 8 672 000 რუსული რუბლი
გამოავლინეს." - ნათქვამია შემოსავლების სამსახურის
განცხადებაში.
უწყების ცნობით, საქართველოს საბაჟო კოდექსის 169-ე მუხლის მე-3
ნაწილის შესაბამისად, სამართალდამრღვევი მოქალაქეები სანქციის სახით,
ჯამში 46 518 ლარით (თანხის 10%- ის ოდენობა) დაჯარიმდნენ.