20-22 ოქტომბერს საქართველოს სპორტსმენებმა გერმანიის ქალაქ
რუსელშეიმში ჩატარებულ
კიკბოქსინგის მსოფლიო ჩემპიონატზე მიიღეს მონაწილეობა.
ორგანიზაცია “WFMC” მიერ ორგანიზებულ ჩემპიონატზე საქართველო 4
სპორტსმენით და ერთი მწვრთნელით წარსდგა.
„საქართველოს აზერბაიჯანელ სპორტსმენთა კავშირის“ თავმჯდომარე ტოფიგ
აქბეროვი რადიო „მარნეულთან“ საუბრისას აცხადებს, რომ ისინი მიღებული
შედეგისათვის წლების განმავლობაში შრომბდნენ.
„შეჯიბრზე გარდაბნიდან და თელავიდან 4 სპორტსმენი იღებდა
მონაწილეობას. ისინი ისფაჰან ალიევის ხელმძღვანელობით შეუერთდნენ
შეჯიბრს. ქენან ბაირამოვი K-1-ზე პირველ ადგილზე გავიდა. რესანთ
აშიროვმა კი კიკლაიტზე დაიკავა პირველი ადგილი. ინტიგამ ორუჯოვი
K-1-ზე და კიკლაიტზე იღებდა მონაწილეობას. კიკლაიტზე მეორე ადგილი
დაიკავა. K-1-ზე კი მესამე ადგილზე გავიდა. ავთანდილ მეჰდიევი კი სხვა
წონით კატეგორიაში K-1-ზე მესამე ადგილზე გავიდა. ყველა სპორტსმენი
წარმატებით გამოვიდა. ჩვენს გუნდს ვულოცავ მაღალი შედეგების მიღებას
და ვულოცავ იმ ადამიანებს ვინც მათთან მუშაობდა“, -
აცხადებს ტოფიგ აკბეროვი
გერმანიის ქალაქ რუსელშეიმში ჩატარებულ კიგბოქსინგის მსოფლიო
ჩემპიონატზე 30-ზე მეტი ქვეყნიდან 1 200 სპორტსმენი იღებდა
მონაწილეობას.