Daxili işlər naziri və Milli Təhlükəsizlik
Şurasının katibi Qiorqi Qaxaria “David-Qareci mövzusu ətrafında
spekulyasiya yaradan hər kəsi” ehtiyatlı olmağa
çağırıb.
Qaxaria əmindir ki, Azərbaycanla sərhədlərin müəyyənləşdirilməsi
prosesində razılaşma əldə olunacaq və “bu razılaşma çərçivəsində
həm mədəni irs olması, eyni zamanda kilsənin maraqları nəzərə
alınacaq”.
“Hamımız bilirik ki, bu çox incə məsələdir. Təbii ki, bu bizə Sovet
İttifaqından miras qalmış problemdir və sərhədlərin
müəyyənləşdirilməsi maksimum şəkildə tez tamamlanmalıdır. Mən
birmənalı olaraq, bu mövzu ətrafında spekulyasiya yaradan və milli
ədavəti qızışdıran (bu ifadəni işlətməkdən çəkinmirəm) hər kəsi
ehtiyatlı olmağa çağırıram. Əminəm ki, demarkasiya çərçivəsində
bizim strateji tərəfdaşımız və qardaş dövlət ilə razılaşma əldə
olunacaq və bu razılaşma çərçivəsində həm mədəni irs olması, eyni
zamanda kilsənin maraqları nəzərə alınacaq”, –
Qaxaria bu gün, 1 may tarixində Milli Təhlükəsizlik Şurasının
birinci iclasından sonra deyib.
Qaxarianın sözlərinə görə, bugünkü görüş texniki xarakterli idi və
baş nazirin tapşırıqlarını, o cümlədən, Pankisi dərəsi ilə bağlı
tapşırıqları alıblar ki, bu barədə də sabah Parlamentdə danışacaq.
Təhlükəsizlik Şurasının növbəti iclası bir aydan sonra
keçiriləcək.