Parlament üçüncü oxunuşda “Yol hərəkəti haqqında” qanuna daxil
olan, dayanma-durma qaydalarının pozulmasına görə cərimələrin
sərtləşdirilməsini nəzərdə tutan dəyişiklikləri müzakirə edib və 81
səslə təsdiqləyib.
Layihəyə əsasən, taksi saxlamaq üçün icazəsi olmayan və
bələdiyyənin müvafiq qurumu tərəfindən taksi dayanacağında
saxlanmasına icazə verilməyən nəqliyyat vasitəsinin parklanması 100
lari məbləğində cərimə ilə nəticələnəcək. Nəqliyyat vasitəsini
yolda tərk etmək 100 lari
məbləğində cərimə ilə nəticələnəcək.
Bundan əlavə, nəqliyyat vasitəsinin Tbilisinin inzibati sərhədləri
daxilindəki dayanacaqda ödənişsiz saxlanması 50 lari məbləğində
cərimə ilə nəticələnəcək, avtomobilin şarj cihazına qoşulmadan
elektriklə işləyən avtomobilin enerji doldurma məntəqəsində
saxlanması isə 100 lari məbləğində cərimələnəcək.
Nəqliyyat vasitəsinin icazəsiz şəxs tərəfindən əlillər üçün nəzərdə
tutulmuş dayanacaqda saxlanması da 100 lari məbləğində cərimə ilə
nəticələnəcək.
Parlamentin təsdiq etdiyi dəyişikliyə əsasən, bələdiyyənin müəyyən
etdiyi nəqliyyat vasitəsinin növündən başqa nəqliyyat vasitəsinin
Tbilisi sərhədləri daxilindəki dayanacaqda saxlanması 100 lari
məbləğində, nəqliyyat vasitəsinin parklanmasının digər qaydalarının
pozulması isə 50 lari məbləğində cərimə ilə nəticələnəcək.