"Coca-Cola" Gürcüstanda neçə milyon lari qazanır?

Gürcüstanın ən böyük sərinləşdirici içki istehsalçısı olan Coca-Cola Bottlers Georgia 2021-ci il üçün maliyyə hesabatlarını dərc edib. Sənədə əsasən, ötən il şirkət 283,6 milyon lari məbləğində rekord gəlir əldə edib. Bu, 2020-ci illə müqayisədə 87,6 milyon lari çoxdur. Nəticədə, Coca-Cola pandemiya çətinliklərinə baxmayaraq, keçən il satışlarını artırmağı bacarıb.

Konsolidə edilmiş maliyyə hesabatına əsasən, "Coca-Cola Bottlers Georgia" 2021-ci
ildə 31 milyon lari xalis mənfəət əldə edib.

"Coca-Cola Bottlers Georgia" haqqında.

"Coca-Cola Bottlers Georgia" qazlı içkilər üçün lazım olan əsas xammalı - konsentratları və içkiləri Coca-Cola şirkəti ilə bağlanmış müqavilə əsasında alır. İlk müqavilə 1993-cü ildə imzalanıb və o vaxtdan bəri müqavilənin qüvvədə olma müddəti vaxtaşırı uzadılır. Bundan əlavə, imzalanmış müqavilələrə əsasən, “Coca-Cola Bottlers Georgia” Azərbaycan və Ermənistanda qalay qutulara qablaşdırılmış içkiləri satmaq hüququna malikdir.

“2021-ci ilin yekunlarına görə, sərinləşdirici içkilər bazarında (qazlı sərinləşdirici içkilər, mineral sular, mineral qazlı sular, buzlu çay, buzlu qəhvə, şirələr, enerji içkiləri) şirkət bazarın 35%-ni tutur və lider mövqeyini qoruyub saxlayır", - 2021-ci il hesabatında "Coca-Cola" Bottlers Georgia" bildirib.

“Coca-Cola Bottlers Georgia”nın aktivlərinin ümumi dəyəri 323 milyon lari təşkil edir. Şirkətin 87,47% səhminin sahibi iş adamı Temur Çxoniyadır.

2020-ci ildən şirkətin bütün istehsal xətləri Nataxtaridəki yeni zavoda köçürülüb və bunun üçün şirkət Almaniya İnvestisiya Korporasiyası (DEG) ilə kredit müqaviləsi imzalayıb və bu layihə çərçivəsində şirkət 18 mln. avro alıb.

Mənbə: BM
Print ელ. ფოსტა
თეგები: #cocacola #economy #georgia
FaceBook Twitter Google