Prokurorluq oktyabrın 6-da Tbilisinin Didi Diğomi şəhərində
öldürülən qadının işi üzrə xarici vətəndaşa qarşı ittiham irəli
sürüb.
Bu barədə Baş Prokurorluq məlumat yayıb.
Agentliyin məlumatına görə, istintaq müəyyən edib ki, oktyabrın
6-da Tbilisi şəhəri, Mirian Mepe prospektində yerləşən yaşayış
mənzilində xarici ölkə vətəndaşı münaqişə zəminində zərərçəkmişin
bədəninin müxtəlif nahiyələrinə bıçaqla xəsarət yetirib. Qadın
yerindəcə dünyasını dəyişib.
Polis təqsirləndirilən şəxsi oktyabrın 7-də saxlayıb. O, Cinayət
Məcəlləsinin qəsdən adam öldürmə maddəsi ilə 10 ildən 15 ilədək
azadlıqdan məhrum etmə ilə cəzalandırılmağı nəzərdə tutan 108-ci
maddəsi ilə ittiham olunub.
Prokurorluğun məlumatına görə, təqsirləndirilən şəxs barəsində həbs
qətimkan tədbiri seçilib. Faktla bağlı istintaq davam edir.