"Qərəzsiz məhkəmə sisteminin əhəmiyyəti Gürcüstanın
Avro-Atlantik gələcəyinin mərkəzi hissəsidir və hətta siyasiləşmə,
siyasi təqib kimi görünən hər şey bu Avro-Atlantik gələcəyi riskə
atır", - ABŞ səfiri bildirib.
Kelli Deqnan Nika Qvaramianın işi ilə bağlı apellyasiya
məhkəməsinin qərarına münasibət bildirib.
“ABŞ səfirliyinin və Avropa İttifaqının
bəyanatlarını, eləcə də Gürcüstanın digər avropalı dostlarının
açıqlamalarını hamı görüb. ABŞ-ın son 30 ildə Gürcüstan üçün
gördüyü hər şey gürcü xalqının demokratik gələcək üçün aydın
seçimini dəstəkləmək məqsədi daşıyır. Qərəzsiz məhkəmə sisteminin
əhəmiyyəti bu gələcək üçün əsasdır və hətta siyasiləşmə, siyasi
təqib kimi görünən hər şey bu Avro-Atlantik gələcəyi riskə atır.
Gürcüstan liderləri, o cümlədən hakim partiya parlament
seçkilərində gürcü xalqına söz veriblər ki, Gürcüstanın
Avro-Atlantik yolunda bundan sonra da mühüm addımlar atılacaq, buna
mane olan və onu riskə atan hər şey narahatlıq
doğurur”, - səfir bildirib.
Dünən Tbilisi Apellyasiya Məhkəməsi Nika Qvaramianı təqsirli bilib.
Qvaramia Cinayət Məcəlləsinin 220-ci maddəsi ilə iki epizod üzrə
təqsirli bilinib: apellyasiya məhkəməsinin qərarına əsasən, hökm -
3 il 6 ay qüvvədə qalıb, lakin şəhər məhkəməsindən fərqli olaraq,
Qvaramia onun əvəzinə iki epizod cəzasına məhkum edilib.