2030-cu ildə Gürcüstana səyahət edənlərin sayı 13 milyona,
turizmdən gələn gəlir isə 6,5 milyard dollara yüksələcək.
Bu barədə hökumətin təsdiqlədiyi “Vision 2030 – Gürcüstanın İnkişaf
Strategiyası”nda qeyd olunub.
Daha dəqiq desək, sənəddə oxuduğumuza görə, 2021-ci ildə beynəlxalq
səyahətçilərin səfərlərinin sayı 1 milyon 881 min 271 nəfər olub,
hökumətin baxışına görə, bu rəqəm 2025-ci ildə 10 milyon, 2030-cu
ildə isə 13 milyon olmalıdır.
Bundan əlavə, hökumət strategiyasında qeyd olunduğu kimi, Gürcüstan
2021-ci ildə baza ilində turizmdən 1 milyard 244 milyon 987 min 712
dollar əldə edib, plana əsasən, 2025-ci ildə bu rəqəm 4 milyard 240
milyon dollara, 2030-cu ildə isə 6 milyard 500 milyon dollara
yüksələcək.