Mixeil Saakaşvilinin vəkili Şalva Xaçapuridze bildirib ki, o, yəqin
ki, bu həftə prezident Salome Zurabişvili ilə görüşəcək.
Xaçapuridze bu gün Saakaşviliyə klinikada baş çəkib.
“[Toksikoloji] hesabatı alanda Salome Zurabişvili ilə əlaqə
saxlayacağıq. Yəqin ki, bu həftə olacaq. Mən Saakaşvilinin vəkili
kimi görüş xahiş edəcəyəm, orada onu təqdim edəcəyəm və bu
ekspertiza hesabatını verəcəyəm, sonra onun həbsi barədə
danışacağıq”, - Xaçapuridze jurnalistlərə
bildirib.
Onun sözlərinə görə, Saakaşvili prezidentdən onu əfv etməyi xahiş
etməyib -
"o mənə dedi ki, onunla görüş, söhbət et,
xəstəliyimin gedişatını danış", - deyə vəkil
bildirib.