“Milli Hərəkat”ın sədri seçkilərində iştirak etməyə hazırlaşan
Levan Xabeişvili partiya sədrliyini bacaracağını bildirib.
O, bu sözləri Vahid Milli Hərəkat Partiyasının liderlərindən olan
Xatia Dekanoidzenin “TV Pirveli” telekanalının efirində verdiyi
açıqlaması haqqında danışarkən deyib. Daha dəqiq desək, Xatia
Dekanoidze bildirir ki, Levan Xabeişvilinin partiya sədrliyi üçün
“az dərəcədə” lazımi keyfiyyəti var.
Xabeişvilinin sözlərinə görə, “7 dil bilən və beynəlxalq dəstəyi
olan” [Mixeil Saakaşvili], bir insan həbsxanada öldürülür.
“Xatiaya gəlincə, əminliklə deyə bilərəm ki, Levan Xabeişvili Xatia
Dekanoidzenin namizədliyini dəstəkləyərdi. Vəzifəsinə gəlincə, bu,
onun mövqeyidir, onu alqışlayıram, o mənim çox yaxşı dostum və
yoldaşımdır, hər kəsin öz fikri var.
O ki qaldı niyə mən qalib gələcəyimi düşünürəm, bunu seçkilər
göstərəcək. Mən [partiya sədrliyini] də bacaracağam, işi görəcəm,
24 saat yatmayacağam, partiyanın infrastrukturunu quracağıq, xalqı
aktivləşdirəcəyik və həlledici mübarizəyə başlayacağıq. Mən buna
əminəm […]
Mən baş nazir olmaq barədə nə fikirləşirəm, nə də maraqlıyam. Əgər,
7 dil bilən və beynəlxalq dəstəyi olan bir adam [Mixeil Saakaşvili]
həbsxanada öldürülürsə, ona görə mübarizədə fəal olmaq vacibdir və
bu məsələ kabinetdən həll oluna bilməyəcək”, - Levan
Xabeişvili bildirib.