Bu gün, 1 dekabr tarixində Marneuli Mülki Məşğulluq Mərkəzində
Daxili İşlər Nazirliyinin nümayəndələri fiziki imkanları məhdud
şəxslərlə məlumatlandırıcı görüş keçirib.
DİN nümayəndələri Marneulidə yaşayan fiziki imkanları məhdud
şəxslərə nazirlikdə həyata keçirilmiş dəyişikliklər barədə məlumat
veriblər və fiziki imkanları məhdud şəxslər üçün nəzərdə tutulmuş
xidmətləri müzakirə ediblər.
İnsan Hüquqlarının Müdafiəsi və İstintaq Monitorinqi
Departamentinin nümayəndəsi Tamar Mçedlişvili “Marneuli”
radiosu
ilə söhbəti zamanı bildirdi ki, DİN üçün fiziki imkanları məhdud
şəxslərin hüquqlarının qorunması, onlara hüquqlarını həyata
keçirməkdə dəstək olmaq prioritetdir.
“Biz bu istiqamətdə çox işlər görürük. 31 mart 2021-ci
il tarixində nazirin sərəncamı ilə Gürcüstan Daxili İşlər
Nazirliyinin sistemində fiziki imkanları məhdud şəxslərin hüququnun
qorunmasının 2021-ci il fəaliyyət planı təsdiqləndi. Planın
effektiv həyata keçirilməsi məqsədi ilə qurum dəfələrlə mühüm
tədbirlər həyata keçirdi və müvafiq nəticə də əldə etdi. Həmin
sənəddə fəaliyyət planın həyata keçirilməsi prosesinə fiziki
imkanları məhdud şəxslərin qoşulması da qeyd edilib. Bunun təmin
edilməsi üçün Gürcüstan Daxili İşlər Nazirliyində fiziki imkanları
məhdud şəxslərin hüquqları üzrə işləyəcək məsləhətçi qrup
yaradıldı".
İnsan Hüquqlarının Müdafiəsi və İstintaq Monitorinqi
Departamentinin nümayəndəsinin sözlərinə görə, məsləhət qrupuna
DİN-nin fəaliyyət planında yazılmış fəaliyyətlərin həyata
keçirilməsində məsuliyyətli olan struktur rəhbərlərinin hamısı
üzvdürlər. Şura üzvləri fiziki imkanları məhdud şəxslər və fiziki
imkanları məhdud şəxslərin məsələləri üzrə işləyən
təşkilatlardır.
“Daxili İşlər Nazirliyinin əməkdaşlarının hazırlanması
prosesi fəal olaraq həyata keçirilir. Bəzi regionlardan istisna
olmaqla, əməkdaşların effektiv ünsiyyət qurması üçün biz bütün ölkə
miqyasında diskriminasiya əlaməti, dözümsüzlük motivi ilə
törədilmiş cinayətlərin monitorinqini aparırıq və çalışırıq ki,
əgər insan fiziki imkanları məhdud şəxs statusuna görə hansısa
cinayətin qurbanı olubsa, bunu istintaq prosesi sənədlərində nəzərə
alsın, motiv düzgün müəyyən edilsin. Daxil İşlər Nazirliyi üçün
cinayətə effektiv reaksiya göstərilməsi prioritetdir. Məhz buna
görə fiziki imkanların məhdud olması əlaməti, diskriminasiya motivi
ilə törədilmiş cinayətlərin araşdırılması prosesinin düzgün
aparılmasına xüsusi diqqət yetirilir”.
Tamar Mçedlişvilinin sözlərinə görə, fiziki imkanları məhdud
şəxslərlə birbaşa görüş və onlara öz hüquqları ilə bağlı məlumat
verilməsi mühümdür.
“DİN-nin Xidmət Agentliyində daimi rejimdə
infrastrukturun fiziki imkanları məhdud şəxslərə uyğunlaşdırılması
işləri aparılır. Əməkdaşlar əlavə olaraq hazırlanırlar. Jest dili,
həmçinin, “miterlər” (xidmət administratoru) institutu tətbiq
edildi. Fiziki imkanları məhdud şəxslərə uyğun ünsiyyətin tətbiq
edilməsi məqsədi ilə ünsiyyət standartları işlənilib və tətbiq
edilib. Buna əsasən əməkdaşlar hazırlanır”, – Xidmət
Agentliyinin məlumatında qeyd olunub.
Mçedlişvili kimi Marneuli Mülki Məşğulluq Mərkəzinin koordinatoru
Mariam Samxaradze də fiziki imkanları məhdud şəxslərə məlumat
verilməsini mühüm hesab edir. Samxaradzenin sözlərinə görə, DİN
nümayəndələrinin fiziki imkanları məhdud şəxslərlə görüşü Mülki
Məşğulluq Mərkəzi Şəbəkələri, DİN-nin regional həftəliyi
çərçivəsində keçirilib.
3 dekabr Beynəlxalq Fiziki İmkanları Məhdud Şəxslər Günüdür. Məhz
bu günlə əlaqədar DİN nümayəndələri müxtəlif regionlarda fiziki
imkanları məhdud şəxslərlə məlumatlandırıcı görüşlər
keçirirlər.