Avropa İnsan Hüquqları Məhkəməsi Gürcüstanın keçmiş prezidenti Mixeil Saakaşvilinin 2017-ci ildə Ukrayna vətəndaşlığından məhrum

edilməsi ilə bağlı Ukraynaya qarşı iddiasını qəbuledilməz hesab edib.

 

"Saakaşvili Ukraynaya qarşı" işi üzrə bəyanatı Avropa İnsan Haqları Məhkəməsi yekdilliklə qəbuledilməz kimi tanıyıb. Qərar qətidir”, - Avropa İnsan Hüquqları Məhkəməsinin bəyanatında deyilir.

Mixeil Saakaşvili Ukrayna vətəndaşlığının ləğvi və ölkədən çıxarılması ilə əlaqədar hüquqlarının tanınmasını tələb edərək Ukraynaya qarşı iddia qaldırıb.

Mixeil Saakaşvili bəyanatında Avropa İnsan Hüquqları Konvensiyasının 3-cü maddəsinə (qeyri-insani və ləyaqəti alçaldan rəftarın qadağan edilməsi), 5/1-ci (azadlıq və şəxsi toxunulmazlıq hüququ), 6/2 (təqsirsizlik prezumpsiyası), 8 (özəl həyat və mənzil hüququna hörmət hüququ), 11 (sərbəst toplaşmaq azadlığı), 13 (effektiv müdafiə vasitələri hüququ) və 18-ci (hüquqların həyata keçirilməsinin məhdudlaşdırılması) maddələrə istinad edib.