Meriyada fiziki imkanları məhdud şəxslər üçün lift quraşdırmağı planlaşdırırlar
16:45 / 27.07.2023
Marneuli meriyası özünüidarə binasında fiziki imkanları məhdud
şəxslər üçün lift quraşdırmağı planlaşdırır.
Bu barədə Bələdiyyə Məclisinin 27 iyul tarixində baş tutan
iclasında məlum olub.
Maliyyə-Büdcə Şöbəsinin rəhbəri Koba Çxitunidzenin məlumatına görə,
özünüidarə xüsusi ehtiyacı olan şəxslər üçün nəzərdə tutulmuş
liftin alınmasına görə tender elan edəcək. Layihə üçün isə 100 000
lari ayrılacaq.
İnfrastruktur və İqtisadi İnkişaf Xidmətinin rəhbəri Beka
Abdaladzenin sözlərinə görə, Marneuli özünüidarə binasının bərpası
fiziki imkanları məhdud şəxslərin marağını nəzərə alaraq aparılır.
Abdaladzenin sözlərinə görə, hazırda birinci mərtəbədə artıq xüsusi
pandus duzəldilib.
Meriya binasını bərpa layihəsi iyun ayından başlayıb və onun dəyəri
315 000 laridir. Abdaladze bərpa layihəsi ilə yanaşı fiziki
imkanları məhdud şəxslər üçün liftin quraşdılıb
quraşdırılmayacağını konkret qeyd etmir. O, bildirir ki, hər iki
layihəni ilin sonuna qədər bitirməyə çalışacaqlar.