Marneuli yerli özünüidarəsi 2024-cü il ərzində kuryer xidməti üçün
tender elan edib.
Meriya tərəfindən elan edilmiş tenderə görə, qalib gələn şirkət
2024-cü ilin 1 yanvar tarixindən 31 dekabr tarixinə qədər meriyaya
kuryer xidməti göstərməlidir.
Poçt-kuryer xidməti ilə bağlı tenderdə qalib gələn şirkətin
öhdəlikləri bunlardır:
- Hər iş günündə saat 9:00-17:00-a qədər razılaşdırılmış
vaxta uyğun olaraq şəhər miqyasında və sifarişçinin qeyd etdiyi
yerlərdən kuryer xidmətinin göstərilməsi;
- Poçt göndərişlərinin idarə edilməsi üçün ayrılmış tam
proqramın təmin edilməsi;
- Xidməti alan təşkilatın lazım olan sayda, Vətəndaşlara
Xidmət Şöbəsinin bütün əməkdaşlarına ayrı-ayrılıqda “user”-lər
yaradılması;
- Tələb olduğu halda, alıcı ilə əvvəlcədən razılıq
əsasında, işləri həyata keçirən poçt göndərişlərini alacağı yerə
gəlməli və planlaşdırılmadan poçt göndərişlərinin aparılmasını
təmin etməlidir. Göndərişi çatdıran təcili göndərişin qəbulu üçün
alıcı ilə razılaşdırılmış müddət ərzində, zəruri hallarda həmin iş
günündə poçt göndərişinin alındığı yerə gəlir;
- Alıcının tələbi ilə göndərişlərin çatdırılması hətta
şənbə günləri də mümkün olmalıdır;
- Yerli (Gürcüstanın hər hansı şəhəri və məntəqəsi)
göndərişlər ən az 2-5 iş günü ərzində, beynəlxalq (Gürcüstanın
sərhədlərindən kənar hər hansı istiqamətdə) göndərişlər ən az 5-15
iş günündə (günlərin hesablanması göndərişin kuryerə verilməsinin
növbəti iş günündən sayılır) təhvil verilməlidir. Qeyd olunan
məlumatın proqramda təsvir edilməsi təcili surətdə həyata
keçirilməlidir və s.
Marneuli yerli özünüidarəsi poçt-kuryer xidməti üçün 57 355 lari
xərcləməyi planlaşdırır.
Tenderdə iştirak etmək istəyən şirkətlər 6 dekabrdan 8 dekabr
tarixinə qədər öz təkliflərini təqdim edə bilərlər.
Qeyd edək ki, Marneuli yerli özünüidarəsi poçt-kuryer xidmətlərinin
alınması üçün tenderi hər il elan edir. Meriya 2023-cü il ərzində
poçt-kuryer xidmətinin alınmasına 57 481 lari dəyərində tender elan
etmişdi.