Marneuli meriyası “Yenə də böyüyəcəklər” abidəsinin bərpası və ətraf ərazisinin abadlaşdırılması üçün 1 095 654 lari dəyərində tender elan edib. Layihə bütövlüklə Marneuli bələdiyyəsi tərəfindən maliyyələşdiriləcək.

Tenderdən aydın olur ki, abidənin bərpası və istirahət parkı üçün işlər iki mərhələdə aparılacaqdır.

1975-ci ildə yaradılmış abidə təmizlənəcək və heykəlin sıradan çıxmış hissələri bədii və memarlıq kompozisiyasının dəyişməyəcəyi şəkildə bərpa olunacaq, belə ki, “Yenə də böyüyəcəklər” Mədəni irs statusuna malikdir.

Marneuli meriyası tərəfindən yayımlanmış bəyanatda yazılıb ki, abidənin bərpası ilə yanaşı, ətrafındakı ərazidə bir neçə zonaya bölünmüş parkın salınması da planlaşdırılır.

"Parkın infrastrukturu abidənin bütün dörd istiqamətində inkişaf etdiriləcək. Əsasən üç zona yaradılacaq: müvafiq oyun vaqonları, əyləncəli oyun attraksionları və açıq idman simulyatorları ilə təchiz olunmuş uşaq zonası; Abidənin arxa tərəfində istirahət zonası; Açıq amfiteatr olan və maarifləndirici tədbirlərin və bayram şoularının nümayiş olunacağı maarifləndirici-bayram tədbirləri üçün zona. Ərazidəki zonaların arasında isə Piyada cığırları olacaq”, - meriyanın bəyanatında deyilir.



Parkın bütün ərazisində piyada, velosiped və pandus cığırlarının yaradılması planlaşdırılır.

"Layihəyə görə, abidənin qərb tərəfində oval formalı kompozisiyaya malik piyada cığırları olacaq. Parkın əsas perimetri boyunca asfalt örtüyü olan velosiped və pandus cığırları olacaq. Velosiped və pandus cığırları hər üç zonanı əhatə edəcək və idman fəaliyyəti ilə maraqlanan şəxslərin abidənin ətrafındakı bütün hissələrdə dövrə vura biləcəklər" - bəyanatda yazılıb.

Parkda istirahət üçün Wi-Fi zonası da yaradılacaq. Park ərazisində “Mən Marneulini sevirəm” və “Yenə də böyüyəcəklər” yazıları qoyulacaq.



Ərazidə avtomobillər üçün dayanacaq və ayaqyolu da olacaq.

Layihənin birinci mərhələsi üçün 659 314 lari, ikinci mərhələ üçün isə 472 365 lari nəzərdə tutulub.

Tender üçün təkliflərin qəbulu dekabrın 3-də başlayacaq və 11 dekabr tarixində başa çatacaq.

Tenderin qalibi olan şirkət müqavilələr bağlanıldıqdan sonra 225 təqvim günü ərzində işləri tamamlamalıdır.