Marneuliyə necə gəlmək olar? – bu sualı çox adam verir. Marneuli
Tbilisiyə kifayət qədər yaxındır və buraya gəlmək də asandır.
Marneuli şəhəri Tbilisidən təxminən 40 kilometr məsafədə yerləşir.
Tbilisinin tıxaclarını nəzərə almasaq, paytaxtdan Marneulinin
mərkəzinə gəlmək üçün maksimum 40 dəqiqə vaxt lazımdır.
Marneuli-Tbilisi ictimai nəqliyyatı haradan keçir.
Marneuli-Tbilisi istiqamətində işləyən ən tanınmış və
ilk ictimai
nəqliyyat mikroavtobuslardı. Onlar Tbilisidə Dəmiryol Vağzalının
qarşısında dayanır (qızıl birjasının qarşı tərəfində). Marneulidə
isə həmin mikroavtobuslar Marneuli stadionunun, 5 saylı ictimai
məktəbin yanında dayanır. Gediş haqqı 3 laridir.
Daha bir xətt üzrə hərəkət edən mikroavtobusların dayanacağı isə
Tbilisidə “Samqori” metrosu ərazisindədir. Maarneulidə isə həmin
mikroavtobuslar 26 May Meydanı (Marneuli Polis İdarəsinin
yaxınlığında) ərazisində dayanır.
Marneuli-Tbilisi istiqamətində minivenlər də hərəkət edir. Onlarla
da gediş haqqı 3 laridir. Sonuncu dayanacaq Tbilisidə Vağzal
Meydanıdır. (Keçmiş Uşaq Dünyasının qarşısı). Marneulidə minivenlər
bazar ərazisində, işıqforun yanında dayanırlar.
Mikroavtobuslar, eləcə də minivenlər Tbilisidən, həmçinin,
Marneulidən hər 15 dəqiqədə bir çıxırlar.
Nəqliyyatın birinci reysi saat 07:00-da başlayır, sonuncu isə
təxminən saat 20:00-a qədər işləyir.
Marneuliyə gəlmək üçün eləcə də avtobusla hərəkət edə
bilərsiniz.
Tbilisidən iki yerdən nəqliyyatla getmək üçün şəraitiniz var:
• Ortaçala (keçmiş həbsxana ərazisindən)
• Rustavi döngəsi
Marneuliyə gəlmək üçün Bolnisi və ya Dmanisiyə gedən nəqliyyata da
minə bilərsiniz. Çünki onlar istənilən halda Marneuli 26 May
meydanından keçməli olurlar.
Tbilisidən Marneuliyə gedən yol qaydasındadır. Siz Teleti, Kumisi
və Kodadan keçəcəksiniz.
Sərnişinlər üçün ən baha başa gələn özəl kirayələdikləri maşın ola
bilər. Marneulili taksilər Tbilisiyə təxminən, 30-50 lariyə
gedirlər.
İllər ərzində Marneuli haqqında çox stereotiplər mövcud idi və bu
günə qədər də var. Marneuli bələdiyyəsi ideoloji baxımdan çox
uzaqdır. Ancaq həmin stereotiplərdən azad olmaq üçün iş və burada
yaşayanlarla tanış olmaq üçün Marneuliyə gəlməyə cəhd
göstərməlisiniz.