Marneulinin 2023-cü il büdcə layihəsinin ilk ictimai müzakirəsi 21
noyabr tarixində keçiriləcək.
Bələdiyyə Məclisindən verilən məlumata görə, görüş meriya
binasında, ikinci mərtəbədə saat 12:00-da keçiriləcək. Görüş hamı
üçün açıq olacaq və qeydlər də təqdim edə bilərlər.
“Yerli Özünüidarə Məcəlləsi”-nin Gürcüstan Üzvi Qanununun 91-ci
maddəsinin birinci və ikinci bəndlərinə uyğun olaraq bələdiyyənin
büdcə layihəsinin müzakirəsi, təsdiqlənmə qaydası belədir:
• Bu qanuna və Gürcüstan Büdcə Məcəlləsinə əsasən bələdiyyə meri
bələdiyyənin gələn ilə olan büdcə layihəsini, layihə ilə yanaşı
verilən materiallarla birlikdə 15 noyabra qədər Bələdiyyə Məclisinə
təqdim etməlidir.
• Bələdiyyə Məclisi büdcə layihəsi təqdim olunduqdan sonra 5 gün
müddətində onu ictimai müzakirə üçün yayımlayır.
• Bələdiyyə Məclisi büdcə layihəsini ictimai şəkildə və büdcə ili
başlayana qədər müzakirə edəcək, siyahı tərkibi çoxluğu ilə
bələdiyyənin büdcə layihəsinin təsdiq edilməsi barədə qərar qəbul
edir.
• Qeydlər olan halda Bələdiyyə Məclisi 25 noyabra qədər büdcə
layihəsini qeydlərlə birlikdə bələdiyyə merinə qaytarır.
• Bələdiyyə meri büdcə layihəsinin eyni və ya düzəldilmiş
variantını 10 dekabra qədər Bələdiyyə Məclisinə təqdim
etməlidir.
• Bələdiyyə Məclisi tərəfindən müzakirə zamanı büdcə layihəsində
yalnız bələdiyyə meri ilə razılıqla dəyişiklik etmək olar.
• Əgər Bələdiyyə Məclisi bələdiyyə merinin təqdim etdiyi büdcə
layihəsinin düzəldilmiş variantını və ya mer tərəfindən Bələdiyyə
Məclisinin qeydləri nəzərə alınmadığı halda – büdcə layihəsinin
ilkin redaksiyasını təsdiq etməzsə, Bələdiyyə Məclisinin bir
hissəsinin və ya Bələdiyyə Məclisinin siyahı tərkibinin azı üçdə
birinin təşəbbüsü ilə irəli sürülmüş büdcə layihəsini siyahı
tərkibinin beşdə üç səs çoxluğu ilə təsdiq etmək səlahiyyətinə
malikdir. Layihədə yalnız Bələdiyyə Məclisi tərəfindən bu maddənin
4-cü bəndinə müvafiq olaraq, merə göndərilmiş qeydlər və ya onların
bir qismi nəzərə alınmalıdır.
• Bələdiyyənin büdcə layihəsinin planlaşdırılan il başlayana qədər
təsdiqlənməməsi halında bələdiyyə meri hər prioritetə hər ay pul
vermək səlahiyyətinə malikdir. Son maliyyə ilinin ayırmalarının on
ikidə biri olmalıdır. Yeni büdcə ili başlayandan 3 ay ərzində
bələdiyyənin büdcə layihəsinin təsdiqlənməməsi halında Gürcüstan
hökuməti bu qanunla nəzərdə tutulmuş qaydaya uyğun olaraq Bələdiyyə
Məclisi və merin səlahiyyətlərinə vaxtından əvvəl xitam verir.
İllik büdcə yayımlanır və ictimaiyyətə əlçatandır.