Marneuli meriyası fiziki imkanları məhdud şəxslər üçün səsli termometrlə alıb.

Bolnisi, Marneuli və Dmanisinin birləşmiş filialının sədri Surik Çiçiyan “Marneuli” radiosu ilə söhbəti zamanı bildirdi ki, Marneulinin büdcəsindən ayrılmış 1000 lari ilə 25 ədəd səsli termometr alıblar və ciddi şəkildə görmə qüsuru olan şəxslərə veriblər. Hərarət ölçən 15 ədəd cihaz Marneulidə, 10 ədəd isə Bolnisidə paylanılıb.

“Bu termometrlər tam görmə qüsurlu olan şəxslərə paylanılıb. Mən şəxsən görmə qüsurluyam və bu cihaz mənim üçün çox mühümdür. Ola bilsin evdə görə bilən adam var, mənə kömək edə bilər, amma heç kim olmaya da bilər, ona görə bu proses mənim üçün asanlaşacaq. Müstəqil şəkildə hərarətimi ölçə biləcəyəm. Fiziki imkanları məhdud şəxslərə hər şeyin əlçatan olmasını istəyirik ki, onlar xəstəlik zamanı da müstəqil olsunlar. Termometrlər üçün Marneuli meriyası pul ayırmışdı və Marneulidə, eləcə də Bolnisidə payladı. Ola bilsin növbəti dəfə Bolnisi meriyası pul ayırsın və təzyiq ölçən aparatlar alaq. Bu şəkildə, Marneuli və Bolnisidə də paylayacağıq. Dmanisilər də bizim ittifaqın üzvüdürlər və bu üç rayon birlikdə hər şey edirik ki, görmə qüsurluların yaşam tərzini asanlaşdıraq”- Surik Çiçiyan bildirir.

Surik Çiçiyanın sözlərinə görə, onların səsli təzyiq ölçən aparatlar, əl ağacı və qlukometrlərin alınmasına da ehtiyacları var. Bu təşəbbüslə özünüidarələrə müraciət edəcəklər.

Qeyd edək ki, səsli termometrlərin alınması barədə Marneuli meriyası ilə hələ ötən ildən söhbət aparılırdı.