Reuters xəbər verir ki, ABŞ prezidenti Co Bayden Vladimir Putinin
Rusiyanın Ukraynada nüvə silahından istifadə etməyəcəyi barədə
sözlərinə şübhə ilə yanaşdığını bildirib.
“Əgər belə bir niyyəti yoxdursa, niyə bu barədə danışır? Niyə o,
taktiki nüvə silahından istifadənin mümkünlüyündən
danışır?”, – deyə Bayden bildirib.
Xatırladaq ki, Vladimir Putin dünən Rusiyanın nüvə silahından
istifadə etməklə hədələmədiyini və yalnız Qərb liderlərinin nüvə
“şantajına” cavab verdiyini bildirib.