Ermənistanın Moskvaya Rusiyanın Dağlıq Qarabağdakı sülhməramlı
missiyasının müddətinin uzadılması təklifi rədd edilib.
Bunu Ermənistanın baş naziri Nikol Paşinyan Soçidə Vladimir Putin
və İlham Əliyevlə üçtərəfli görüşdən sonra Ermənistan parlamentində
çıxışı zamanı deyib.
Soçidəki görüşdən əvvəl Paşinyan bəyan edib:
“Rəsmi
olaraq bəyan edirəm ki, Soçidə Rusiya sülhməramlılarının Artsaxda
[Qarabağda] yerləşdirilməsinin 15-20 il müddətinə uzadılmasına dair
sənədi imzalamağa hazıram. Mən Rusiya prezidentinə də belə bir
təklif irəli sürməyi təklif edirəm. Lazım gəlsə, irəli sürəcəm,
mənə dəstək olsun. Bu məsələni tək mən həll edə
bilmərəm”.
Ermənistanda ictimai narazılığın artdığı 2000-ə qədər hərbçidən
ibarət Rusiya sülhməramlı missiyası 9 noyabr tarixli üçtərəfli
bəyanat əsasında 2020-ci ildə müharibə başa çatdıqdan sonra 5 il
müddətinə Qarabağda yerləşdirilib.