Bu gün, 1 may tarixində Samtredia rayon
məhkəməsi həyat yoldaşı və qayınatasını qəsdən öldürməyə
cəhd,
həmçinin hədələməkdə ittiham olunan Q.C.-ni
təqsirli bilib və 17 il müddətinə azadlıqdan məhrumetmə cəzası
verib.
Məhkəmə prokurorluq tərəfindən təqdim olunmuş bütün dəlilləri
tamamilə qəbul edib. Dəlillərə əsasən Q.C. 25 avqust 2018-ci ildə
qarşılıqlı münaqişə zəminində həyat yoldaşının atasını yaşadığı evi
yandırmaqla hədələyib və evin müxtəlif yerlərinə neft töküb, daha
sonra isə qəsdən öldürmək məqsədi ilə həyat yoldaşı Q.S.-nin döş
nahiyəsinə bir, qayınatası S.S.-yə isə 2 bıçaq xəsarəti
yetirib.
Prokurorluğun məlumatına görə, müttəhim qəsdini tamamlaya bilməyib.
Belə ki, zərərçəkənlərin qışqırığına qonşular toplaşıb və o,
qaçmağa nail olub. Vaxtında göstərilmiş tibbi yardım nəticəsində
zərərçəkənlərin həyatını xilas etmək mümkün olub.
Hüquq mühafizəçiləri Q.C.-ni həmin gün Samtrediada saxlayıb. Ona
qarşı Gürcüstan Cinayət Məcəlləsinin 111-19, 109-cu maddəsinin 3-cü
hissəsinin “a” bəndi və 111-151-ci maddəsinin 1-ci hissəsi (2 və
daha artıq şəxsi qəsdən öldürməyə cəhd və əmlakını məhv etməklə
hədələmə) ilə ittiham irəli sürülüb və barəsində həbs qətimkan
tədbiri seçilib.