Մառնեուլիի քաղաքապետարանի տեղական ինքնակառավարումը մրցույթ է
հայտարարել Մառնեուլի քաղաքի Ռուսթավելի փողոցում գտնվող Դուրմիշխան
Մաղալաշվիլիի անվան կամրջի վերականգնման աշխատանքների գնման
համար։
Կամուրջի վերականգնման նախագծով նախատեսվում է վերանորոգել կամուրջը և
կամրջի տակ գտնվող ենթակառուցվածքը։
«
Էստոկադայի վերականգնողական աշխատանքները 2011 թվականին
Մառնեուլիի քաղաքապետարանի կողմից իրականացվել են մրցույթով, սակայն
նշված վերականգնման ընթացքում կատարվել են միայն հետիոտնային
արահետների, ճաղերի և արտաքին լուսավորության, երթևեկելի մասի
կազմակերպման աշխատանքները։ Նշված վերականգնման շրջանակներում
չի իրականացվել բուն Էստոկադայի դեֆորմացիոն կարերը և
ջրամեկուսացումը: Բացի այդ, հետագա տարիների ընթացքում էստոկադայի
երթևեկելի մասը բազմիցս փոխվել է, ինչը մեծապես ծանրացրել է
էստոկադայի առանց այն էլ ծանր երթևեկելի մասը։ Բացի այդ, էստոկադան
հագեցված է մոնիկացված մետաղական ճաղավանդակներով՝ երկկողմանի ապակե
լցոնիչով, ինչը բավականին թանկ է շահագործվում և վտանգ է ներկայացնում
էստոկադայի տակ գտնվող հետիոտների համար, քանի որ էստոկադայի վրա
երթևեկության հոսքերի հետևանքով առաջացած թրթռումների պատճառով ապակին
բազմիցս կոտրվել է։
Նախագծով նախատեսվում է նաև կամրջի տակով ճանապարհի լայնացում, որին
մի կողմից կհետևի հետիոտնային մայթը, երկաթուղային անցման վրա
հետիոտների համար հատուկ սալերի կազմակերպում։
Մառնեուլիի քաղաքապետարանը նախատեսում է 1 893 840 լարիով վերականգնել
Մաղալաշվիլիի անվան կամուրջը։
Նախագծային առաջարկի համաձայն՝ մրցույթում հաղթող ճանաչված
ընկերությունը պետք է աշխատանքները կատարի պայմանագիրը կնքելուց հետո
5 ամսվա ընթացքում։ Նախագծային առաջարկում նշված է, որ կամրջի
վերականգնողական աշխատանքները կատարվելու են փուլերով, որպեսզի
աշխատանքների իրականացման ընթացքում հնարավոր լինի օգտագործել
կամուրջը։
"Ռադիո Մառնեուլի"
Թարգմ․ ՝ Մարգարիտա Միսկարյան