Մառնեուլիի մունիցիպալիտետի տեղական ինքնակառավարումը նախատեսում է
Ծերեթելի գյուղի երեք փողոցների ներքին ճանապարհներ
վերականգնել։
Մառնեուլիի քաղաքապետարանը մարտի 29-ին մրցույթ է հայտարարել
Ծերեթելիում ներքին ճանապարհների կառուցման համար։
Մրցութային փաստաթղթերի համաձայն՝ նախագծային հատվածի երկարությունն
ընդհանուր առմամբ կազմում է 1330 երկայնական մետր։
«
Նախագծի հատվածում առկա մայթը ասֆալտբետոնից է, գործող
ճանապարհը որոշակի տեղամասերում ունի ճաքեր, փոսեր։ Հաշվի առնելով
հաճախորդի խնդրանքը և տեղական գործոնները, ճանապարհի վրա
կազմակերպվում է կապիտալ տիպի ճանապարհի երկշերտ կառուցում:
Պատվիրատուի ցանկությամբ ներքաշման և ջրահեռացման համակարգը ենթակա է
վերականգնման:
Նախագծի հատվածում տեղադրված են երկաթբետոնե կուվետներ, որոնք վնասված
են և վերականգնման կարիք ունեն։ - նշված է
Ծերեթելիի ճանապարհաշինության նախագծային փաստաթղթերում։
Մառնեուլիի քաղաքապետարանը նախատեսում է ճանապարհներ
վերականգնել Ծերեթելի գյուղում՝ Իվանե Ջավախիշվիլի, Լադո
Ասաթիանի և Գիորգի Սաակաձե փողոցների հատվածներում։
Աշխատանքների գնման համար տեղական ինքնակառավարումը 1 մլն 100 հազար
լարիի մրցույթ է հայտարարել։ Ըստ մրցութային փաստաթղթերի՝ գումարի
75.21%-ը ծախսվելու է կենտրոնական բյուջեից, իսկ 24.79%-ը՝ տեղական
ինքնակառավարման բյուջեից։
Ծերեթելի գյուղի ներքին ճանապարհների վերականգնման մրցույթին
մասնակցել ցանկացող ընկերությունները ապրիլի 14-ից 19-ը կարող են
ներկայացնել իրենց հայտերը։ Մրցույթում հաղթած ընկերությունը
պարտավորվելու է աշխատանքները կատարել պայմանագրի կնքումից հետո 90
օրվա ընթացքում։
"Ռադիո Մառնեուլի"
Թարգմ․ ՝ Մարգարիտա Միսկարյան