Almaniyanın Xarici İşlər, Səhiyyə və Daxili İşlər Nazirliklərinin
ortaq qərarına əsasən, Gürcüstan 7 oktyabr tarixindən etibarən yeni
koronavirusun yayılması baxımından yüksək riskli ölkələr siyahısına
daxil edilib.
Bu barədə məlumatı Robert Koch İnstitutu yayıb.
Almaniyanın qərarına görə, Almaniya Federativ Respublikasına girmək
istəyən və son 14 gündə riskli ölkəyə səfər etmiş şəxs məcburi
koronavirus testindən keçməlidir.
Risk qruplarının
təsnifatı Almaniyanın Xarici İşlər, Səhiyyə və
Daxili İşlər nazirliklərinin birgə təhlili və qərarından asılıdır.
Öz növbəsində, təsnifat iki mərhələli prosedura əsaslanır. Birinci
mərhələ son yeddi gündə hər 100 000 əhaliyə 50-dən çox yeni
xəstənin düşdüyü müəyyən edilir. İkinci mərhələdə isə bu həddə
çatmamış ancaq infeksiyanın yayılma riski hələ də yüksək olan elə
ölkə və ya bölgələr təyin edilir. Şərtlər, pandemiyanın yayılması
(yerli və ya geniş miqyaslı), test imkanları və test edilmiş
xəstələrin sayı ilə, eləcə də ölkənin infeksiyaya qarşı gördüyü
tədbirlərin təhlili nəticəsində (gigiyenik qaydalar, ünsiyyətlərin
izlənilməsi və s.) Almaniyanın Xarici İşlər Nazirliklərindən alınan
məlumatlarla müəyyən edilir.
Gürcüstanla yanaşı, Bolqarıstan, Xorvatiya, Macarıstan, Litva,
Hollandiya, Rumıniya, Slovakiya və Sloveniyadan bir sıra
bölgələr/əyalətlər 7 oktyabrdan bəri risk qrupuna daxil edilib,
Gürcüstan, İordaniya və Tunis isə bütöv ölkə olaraq risk qrupunda
yer alıb.