Gürcüstan Konstitusiyasına əsasən, hamı hüquq qarşısında
bərabərdir. İrqinə, dərisinin rənginə, cinsinə, mənşəyinə, etnik
mənsubiyyətinə,
dilinə, dininə, siyasi və ya başqa baxışlarına, sosial
mənsubiyyətinə, əmlak ya status vəziyyətinə, yaşayş yerinə və ya
başqa əlamətlərə görə, ayrı-seçkilik qadağandır. Vətəndaşlar
həyatlarının hər hansı mərhələsində, hər hansı vəziyyətdə
ayrı-seçkiliklə qarşılaşa bilərlər. Həmçinin, iş yerlərində, şirkət
əməkdaşa müəyyən əlamətə görə, fərqli baxan zaman da bu ola
bilər.
İş yerində ayrı-seçkilik, siyasi əlamətlə ayrı-seçkilik halları,
ayrı-seçkiliklə mübarizənin hüquqi yolları – “Marneuli” radiosu bu
mövzularda “Ədalətli Seçkilərin” “Media və ictimai sektorda
işləyənlərin bərabər hüquqi əlçatanlığı” layihəsinin hüquqşünası
Meqi Bakuridze ilə söhbət aparıb.
- Meqi, iş yerində ayrı-seçkilik hallarından söhbət
açmazdan əvvəl bizə diskriminasiyanın nə olduğunu
deyərdiniz?
Diskriminasiya şəxsə qanunvericiliklə verilmiş hüquqdan istifadə
etməyə mane olan hərəkət, belə şərait yaratmaqdır. Yəni onun fərqli
əlaməti olduğuna görə hüququndan yararlanmağa mane olmaq. Bu həmin
şəxsin irqi, cinsi, dərisinin rəngi, vətəndaşlığı, mənşəyi, ailə
vəziyyəti, onun siyasi və ya dini mənsubiyyəti, yaxud hər hansı
başqa əlamət ola bilər. Bu şəxsə qarşı fərqli yanaşmaya əsas ola
bilər və ola bilsin, o, hər hansı hüququndan yararlana bilməsin.
Diskriminasiya budur. Ancaq ayrıca sahələrdə, müxtəlif
qanunvericilik aktında diskriminasiyanın tənzimləyici, qadağa
normaları fərqli izah olunur.
- İş yerində diskriminasiya (ayrı-seçkilik) nə hesab olunur
və onun hədəfi kim ola bilər?
Diskriminasiya formalarından biri iş yerində ayrı-seçkilikdir və bu
işlə təmin olunanın sadaladığımız, şəxsi hər hansı hüququndan
istifadə etməkdə məhdudlaşdıran fərqli əlamətinə görə qəsdən və ya
ehtiyatsızlıqdan başqa əməkdaşlardan fərqəndirmək deməkdir. Bu
məzuniyyət hüququndan istifadə etməkdə, əlavə iş üçün maaş almaqda
ola bilər. Elə hallar olub ki, əməkdaşlardan birinin sığorta
paketini aktivləşdirməyiblər. Çünki onun ailə üzvü müəyyən siyasi
partiyanın üzvü olub. Əksər hallarda iş yerində gender əlaməti ilə
sıxışdırmalar olur və s.
Əmək məcəlləsi ayrıca halları, eləcə də iş yerində sıxışdırma
formasını tənzimləyir və qanunvericilikdə qeyd olunub ki, ola
bilsin bu iş yerində cinsi sıxışdırma da ola bilər. Eləcə də işlə
təmin edənin iş dövründə əməkdaşa düşmən, yaxud hədələyici,
ləyaqəti təhqir edən mühiti yaradan digər sıxışdırma formaları. Bu
əlbəttə, Əmək Məcəlləsi ilə qadağan edilib. Əmək Məcəlləsi üzvi
qanundur, müvafiq olaraq iş yerində diskriminasiya ayrıca təsvir
edilib və buna bütün işlə təmin edənlər riayət etməlidir. Əks halda
işlə təmin olunanın Xalq Müdafiəçisinə, həmçinin, məhkəməyə
müraciət etmək hüququ var. Məhkəməyə müraciət etdiyi halda ziyanın
qarşılanmasını, verilməmiş maaşların kompensasiyasını və s. tələb
edə bilər.
- Maraqlıdır, Gürcüstan reallığında ən çox hansı növ
diskriminasiya halları ilə qarşılaşırıq?
Bizim təşkilat – “Ədalətli Seçkilər” siyasi əlamətlə
diskriminasiyaya uğramış əməkdaşları müdafiə edir və bu layihə
çərçivəsində əksər hallarda siyasi əlamətlə diskriminasiyanın
müəyyən edilməsi üçün müraciət edirlər, onlara hüquqi yardım
göstərməyimizi istəyirlər. Biz benefisiarlara hüquqi yardım
göstəririk, eləcə də onlara rüsumu ödəməyə kömək edirik. Qeyd
edilməlidir ki, 2021-ci ildə, baş nazir Qiorqi Qaxaria vəzifəsini
tərk edən zaman partiya yaratdı. Bu zaman onun çox sayda
dəstəkçiləri var idi və həmin dəstəkçilər sosial şəbəkədə,
televiziyalarda həmin partiyanı bəyəndiklərini bildirirdilər, onlar
açıq şəkildə Qiorqi Qaxarianı dəstəkləyirdilər. Məhz bundan sonra
birmənalı şəkildə, nəinki dövlət qurumlarında, həm də
qeyri-kommersiya tipli hüquqi şəxslərdə və MMC-lərdə yenidən təşkil
olunmalar başladı. Və ya bu adamlara başqa hüquqi əsas yaradıldı,
məsələn, əmək müqaviləsindən imtina, birbaşa işdən azad edilmələr,
yaxud qeyri-real əsaslarla nizam-intizam tədbirlərinə başlanıldı.
İş yerlərinə audit göndərdilər ki, hansısa pozuntu aşkarlansın. Bu
pozuntudan sonra isə Qiorqi Qaxarianı açıq şəkildə dəstəkləyən
həmin adamlarla bağlı nizam-intizam tədbirlərinə başlanılsın. Xalq
Müdafiəçisi bununla bağlı dəfələrlə bəyanat verdi. Eləcə də həmin
adamlara qarşı çox sayda diskriminasiya halları aşkarladı. İşlə
təmin edənlərə bu fəaliyyətlər, bu fəaliyyətlər nəticəsində
yaranmış pozuntular ilə bağlı tövsiyə ilə müraciət etdi. Ancaq
əksər hallarda Xalq Müdafiəçisinin tövsiyəsini nəzərə almırdılar və
həmin adamlar öz hüquqlarını məhkəmə yolu ilə qorumalı
olurdular.
- Siz iş yerində işçiləri qoruyan hüquqi mexanizmlərdən
danışdınız. Maraqlıdır, işlə təmin olunan iş yerində diskriminasiya
qurbanı olduğunu hesab edirsə, bu halda kimə müraciət edə
bilər?
Bununla bağlı birbaşa qanunvericilik qeydimiz var ki, hər hansı
şəxs özünə qarşı diskriminasiya edildiyini hesab edirsə və o,
diskriminasiya qurbanıdırsa, öz hüquqlarını müdafiə etmək üçün
məhkəməyə müraciət etsin. Eləcə də Diskriminasiyanın Bütün
Formalarının Qarşısının Alınması Haqqında Qanun belə halları
tənzimləyir, əgər vətəndaş diskriminasiya qurbanı olduğunu
düşünürsə, diskriminasiya xarakterli münasibətə görə Xalq
Müdafiəçisinə də müraciət edə, diskriminasiyanın aşkar edilməsini
tələb edə bilər. Qeyd etmək lazımdır ki, Xalq Müdafiəçisinə
müraciət etməklə məsələ vaxt baxımından daha tez müəyyən olunur və
nəticə əldə edilir. Əgər diskriminasiya varsa, Xalq Müdafiəçisi
quruma tövsiyə ilə müraciət edəcək ki, diskriminasiyanın nəticələri
aradan qaldırılsın. Ancaq qeyd etmək lazımdır ki, Xalq
Müdafiəçisinin tövsiyəsi tövsiyə xarakterlidir, işlə təmin edənlər
əksər hallarda bu tövsiyəyə əməl etmirlər. Məhkəmənin daha çox gücü
var. Onun qərarı məcburi həyata keçirilməlidir. Prosessual
Məcəllədə daha çox mexanizmlər var ki, insan öz hüquqlarını müdafiə
etsin. Məsələn, əgər şəxs işdən azad edilibsə və azad edildikdən
sonra onun vəzifəsinə heç kim təyin edilməyibsə, həmin şəxs məhkəmə
yolu ilə, şikayətin təmin edilməsi vasitəsilə işlə təmin edənə
başqa şəxsi işə götürməyi qadağan edə bilər. Həmin şəxsə məhkəmə
qərarından sonra öz vəzifəsinə qayıtmaqda maneçilik olmamalıdır. Bu
çox yaxşı vasitədir və biz, “Ədalətli Seçkilər” çox sayda
hadisələrdə bundan istifadə etmişik. Bir halda ki, məhkəmə işləri
uzadılır, həmin dövrdə onların vəzifəsi qorunub-saxlanılır, əgər
məhkəmə bizim şikayəti təmin edərsə, onlar birbaşa vəzifələrinə
təyin olunurlar və işə davam edirlər.
- Əgər işlə təmin edən artıq işdən azad edilmiş şəxsin
vəzifəsini ləğv edibsə və ya onun yerinə başqa əməkdaş qəbul
edibsə, diskriminasiya qurbanının işə qaytarılması necə
olur?
Bu da çox problemlidir. Biz hüquqi müdafiə vaxtları belə hallara
çox rast gəlirik. Bir halda ki, işlə təmin edənlər başqa əsas yaza
bilmirlər və bütün təşkilatı işə salırlar. Məqsəd isə odur ki,
yenidən təşkil olunma qanuni şəkildə başlasın və xoşlarına gəlməyən
əməkdaşı işdən azad etsinlər. Bizdə elə hal olmuşdu ki, 500-dən
artıq işçisi olan təşkilatda yalnız bir konkret adamın azad
edilməsi üçün yenidən təşkil olunmağa başladılar. Həmin şəxsin ailə
üzvü sosial şəbəkələrdə Qiorqi Qaxarianın partiyasını açıq şəkildə
dəstəklədiyini bildirmişdi. İşdən ona görə azad ediblər, çünki bu
şəxsin işlədiyi dövrdə onun azad edilməsi üçün başqa əsas tapa
bilməyiblər. Bu halda məhkəmə həmin şəxsin ona bərabər vəzifəyə
təyin edilməsi öhdəliyini qoyur. Əlbəttə, məhkəmə qərarından sonra
həmin təşkilatda ona bərabər vəzifə olarsa. Belə vəzifə olmasa,
nisbətən aşağı olan vəzifəyə təyin etsinlər. Əgər belə hal
yoxdursa, o zaman işlə təmin edənə kompensasiya öhdəliyi qoyulacaq.
Çünki o, işçini yerinə bərpa edə bilməyib.
- Diskriminasiya qurbanları “Ədalətli Seçkilərdən” hansı yardımları
ala bilərlər?
Bizim “Media və ictimai sektorda işləyənlərin bərabər hüquqi
əlçatanlığı” layihəsi bir ildən artıqdır ki, həyata keçirilir. Bu
günə qədər özünün iş yerində sıxışdırıldığını hesab edən, əlbəttə,
əgər iş prosesində hansısa hüququnu həyata keçirməyə mane olunan,
yaxud hər hansı diskriminasiya əlamətinə görə işdən azad olunmuş
hər kəs. Həmin şəxslər bizim təşkilata müraciət edə bilərlər və biz
əvvəlcə məsləhət verəcəyik, sonra artıq hadisənin bizim meyarlara
daxil olub-olmadığı qiymətləndirilir. Daha sonra hüquqi tədbirlər
başlayacaq və həmin şəxsə öz hüquqlarını bərpa etməyə kömək
edəcək.