Gürcüstan millisi AVRO-2024-ə Avstriyada hazırlaşacaq
Gürcüstan millisi AVRO-2024-ə hazırlıq toplantısını Gürcüstanda deyil, Avstriyada keçirəcək.
Bu barədə mətbuata Gürcüstan Futbol Federasiyasının vitse-prezidenti Aleksandr İaşvili məlumat verib.

İaşvilinin sözlərinə görə, buna səbəb Avropa çempionatında da iştirak edən və Tbilisiyə gəlməkdən imtina edən milli komandaların yoldaşlıq görüşlərində əvvəlcədən razılaşdırılmış mövqeyidir.

Milli komanda mayın 28-də məşqlərə başlayacaq. Federasiyanın vitse-prezidentinin sözlərinə görə, Gürcüstan millisi iyunun
2-də Avstriyada qarşılaşacaq. Hazırlıq mərhələsi çərçivəsində iyunun 9-da millimiz Podqoritsada Monteneqro millisi ilə yoldaşlıq oyunu keçirəcək.

Gürcüstanın futbol yığması tarixdə ilk dəfə olaraq bu il iyunun 14-dən iyulun 14-dək Almaniyada keçiriləcək Avropa çempionatında mübarizə aparacaq. Gürcüstan millisi Türkiyə, Çexiya və Portuqaliya ilə birlikdə F qrupunda mübarizə aparacaq.
Mənbə: Netgazeti

“Gürcü Arzusu” bir daha “Rusiya qanununu” qəbul etməyi planlaşdırır. Həmin qanun 2023-cü ilin mart ayında kütləvi etirazlar nəticəsində geri çəkilmişdi. “Gürcü Arzusu” ötən il vəd vermişdi ki, “Rusiya qanunu” Parlamentə qaytarmayacaqlar. Amma vədi pozublar. “Gürcü Arzusu” qanun layihəsinin ilkin formasından yalnız “agent” sözünü çıxarıb və onu xarici maraqların daşıyıcısı ilə əvəz edib.
Qanuna görə, gəlirinin 20%-dən artığı xaricdən əldə olunan bütün QHT və media təşkilatlar xarici qüvvələrin maraq daşıyıcısı hesab olunurlar. Dövlət bu təşkilatların fəaliyyətini və məqsədlərini araşdırmayacaq, onların hamısına xarici qüvvələrin maraq daşıyıcısı adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən gələn maliyyəyə deyil, Avropa və Amerikadan gələn maliyyəyə istiqamətlənib.
Qanunun irəli sürülməsinə görə, Avropa İttifaqı üzvləri və Gürcüstanın dost ölkə liderləri öz təəccüblərini bildiriblər, Rusiya Prezidentinin mətbuat katibi isə “Gürcü Arzusu”-nun qanununu bəyənib.
Print Email
FaceBook Twitter Google