Batumidə arvadını öldürməkdə təqsirləndirilən şəxs barəsində həbs
qətimkan tədbiri seçilib. Hakim Kote Çilaya bu gün, yanvarın 3-də
qərar qəbul edib.
Dünən, yanvarın 2-də gənc qadın qətlə yetirilib. O, xəstəxanaya
çatdırılarkən dünyasını dəyişib.
Daxili İşlər Nazirliyinin məlumatına görə, təqsirləndirilən şəxs
Batumi şəhərində yaşadıqları evdə həyat yoldaşına soyuq silahla
xəsarət yetirərək hadisə yerindən qaçıb.
Prokurorluğun məlumatına görə, təqsirləndirilən şəxs əvvəllər də
qəsdən törətdiyi müxtəlif cinayətlərə görə dəfələrlə məhkum olunub
və qətli törədən zaman şərti cəza alıb.
Faktla bağlı Cinayət Məcəlləsinin 109-cu maddəsinin “K” bəndi ilə
ailə üzvünü ağırlaşdırıcı şəraitdə qəsdən öldürmə ilə bağlı
araşdırma aparılır. Cinayət 16 ildən 20 ilədək və ya ömürlük həbslə
cəzalandırılır.