İnsan haqları qruplarının qərarın olduqca ədalətsiz olduğunu
demələrinə və həyatlarını
xilas etmək kampaniyasına başlamalarına məhəl qoymayan İran bazar
ertəsi İsrailin xeyrinə casusluq ittihamı irəli sürülən kürd
azlığının 4 üzvünü edam edib.
Ədliyyə orqanlarının Mizan Online saytının bildirdiyinə görə, 4
nəfər İranın müdafiə obyektinə qarşı təxribat planında İsraillə
əməkdaşlıq etməkdə təqsirli bilindikdən sonra mərkəzi İsfahan
vilayətində səhər tezdən edam edilib.
Onlar İsrail kəşfiyyat xidməti Mossad-ı nəzərdə tutaraq, "sionist
casus təşkilatına bağlı qrupun üzvləri olmaqda" ittiham edilib.
Bazar günü Kərəcdəki Gezel Hesar həbsxanasında asılmadan əvvəl
qohumlarının onlarla yekun görüşləri üçün çağırılmaları 30 yaşdan
aşağı olan 4 nəfərin həyatının təhlükədə olmasına işarə idi.
Onların asılması İranda edamların sayının artması ilə bağlı
narahatlıqların artdığı bir vaxta təsadüf edib. Edamlara qarşı olan
kampaniyanın dediyinə görə, bu ay hər gün orta hesabla iki nəfər
edam edilib.
Amnesty İnternationalın "iranlı kürd dissidentlər" olaraq
xarakterizə etdiyi 4 nəfərin edam cəzasına "ədalətsiz və gizli
məhkəmə prosesindən sonra" məhkum edildiyini bildirib.
"Bu dörd məhbusun edamı işgəncə altında və ədalətli mühakimə
olmadan etiraflara əsaslanıb və məhkəmədənkənar qətl hesab olunur"
- deyə, Norveçdə yerləşən İran İnsan Haqları (IHR) qrupunun
direktoru Mahmud Əmiri-Müqəddam bildirib.
İran İnsan Haqları qrupunun məlumatına görə, bu il İranda azı 65
nəfər edam edilib.