Հունվարի 26-ին տեղի կունենա Մառնեուլիի քաղաքապետարանի սակրեբուլոյի նիստը:
2021 թվականի առաջին Սակրեբուլոյի նստաշրջանում պատգամավորները պետք է որոշում կայացնեն քաղաքապետարանի բյուջեն հաստատելու վերաբերյալ:
Մառնեուլի սակրեբուլոյի ղեկավար Նինո Բերիձեն «Ռադիո Մառնեուլի»- ին ասել է, որ բյուջեի նախագիծն արդեն վերջնական տեսքի է բերվել, և որ պատգամավորները կորոշեն աջակցել թե ոչ։
Կորոնավիրուսային համաճարակի պատճառով քաղաքապետարանը 2021 թվականի բյուջեի վերաբերյալ հանրային քննարկում չի անցկացրել լայն ձևաչափով: Քաղաքացիները կարող էին միայն էլեկտրոնային եղանակով մեկնաբանություններ ներկայացնել 2021 թվականի բյուջեի համար։
Ռադիո Մառնեուլիի հետ զրույցում Մառնեուլի քաղաքապետարանի ֆինանսաբյուջետային ծառայության ղեկավար Վուգար Մամեդովը ասել է, որ բյուջեի նախագծում ներգրավված են նաև հաշմանդամություն ունեցող անձինք և Մառնեուլի գենդերային հավասարության խորհուրդը:
«Մենք լսել ենք բոլոր կողմերի դիրքորոշումը և հնարավորինս ներառել 2021 թվականի բյուջեում: Ինչպես գիտեք, մենք հրապարակել ենք բյուջեի նախագիծը հանրային քննարկման համար և հետևել ենք բոլոր կանոններին », - ասել է Վուգար Մամեդովը:
Վրացերեն լեզվի ուսուցիչներ և աղբամաններ գյուղերում, սրանք այն թեմաներն են, որոնք նախաձեռնել է Գենդերային հավասարության խորհուրդը 2021 թ․ բյուջեում։
Համաձայն 2021 թվականի բյուջեի նախագծի ՝ Մառնեուլիի քաղաքապետարանը նախատեսում է նվազագույն գումար ծախսել առողջապահության վրա: Քաղաքապետարանը բյուջեում հատկացրել է 190,000 լարի հանրային առողջապահական ծառայությունների համար:
Մառնեուլիի քաղաքապետարանը մտադիր է ամենամեծ գումարը 6 960 400 լարի ծախսել բնակարանային և կոմունալ ծառայությունների վրա: Բնակարանային և կոմունալ ծառայությունները ներառում են բնակարանային ապահովումը, կոմունալ ծառայությունների զարգացումը, ջրամատակարարումը, արտաքին լուսավորությունը և բնակարանային և կոմունալ ծառայությունների այլ ոչ դասակարգված ծախսերը:
Որքա՞ն լարի է նախատեսվում հատկացնել՝
• Բնակարանաշինություն - 420 000 լարի
• Համայնքային տնտեսության զարգացում - 231 500 լարի
• Ջրամատակարարում - 4 078 200 լարի
• Լուսավորություն - 1 554 700 լարի
• Բնակարանային և կոմունալ ծառայությունների այլ չդասակարգված ծախսեր ՝ 676 000 լարի
Համաձայն 2021 թվականի բյուջեի նախագծի `գործադիր և ներկայացուցչական մարմինների գործունեության, ֆինանսական և հարկաբյուջետային գործունեության և արտաքին հարաբերությունների իրականացման համար տրամադրվում է 6 401 800 լարի: Սա ներառում է գործադիր և ներկայացուցչական մարմինների գործունեության ապահովում, որում ծախսվելու է 6 251 800 լարի, ինչպես նաև ֆինանսական և հարկաբյուջետային գործողություններ:
Որքա՞ն լարի է նախատեսվում հատկացնել ՝
• Ներկայացուցչական մարմին (Սակրեբուլո) - 1 454 000 լարի
• Գործադիր մարմին (քաղաքապետարան) - 4 797 800 լարի
• Ֆինանսական և հարկաբյուջետային գործունեություն - 150,000 լարի
Մառնեուլիի քաղաքապետարանը բյուջեում հատկացրել է 215,600 լարի ՝ ռազմական գրանցման, զորակոչի և զորահավաքային ծառայության համար:
Տնտեսական գործունեության ուղղությամբ, որը ներառում է գյուղատնտեսությունը, տրանսպորտը և ատոճանապարհային տրանսպորտը և ճանապարհները , Մառնեուլիի 2021-ի բյուջեով նախատեսվում է 3,187,200 լարի:
Որքա՞ն լարի է նախատեսվում հատկացնել ՝
• Գյուղատնտեսություն - 562 500 լարի
• Տրանսպորտ - 2 624 700 լարի
• Ճանապարհային տրանսպորտ և ճանապարհներ - 2 624 700 լարի
Մառնեուլիի քաղաքապետարանը նախատեսում է 2,617,800 լարի ծախսել շրջակա միջավայրի պահպանության վրա, որը ներառում է թափոնների հավաքում, վերամշակում և վերացում և կեղտաջրերի կառավարում:
Որքա՞ն լարի է նախատեսվում հատկացնել.
• Թափոնների հավաքում, վերամշակում և վերացում - 2 267 100 լարի
• Կեղտաջրերի կառավարում - 350 000 լարի
Համաձայն Մառնեուլիի քաղաքապետարանի 2021 թվականի բյուջեի նախագծի, հանգստի, մշակույթի և կրոնի ուղղություներով նախատեսված է 3,726,600 լարի: Դրանք ներառում են ծառայություններ հանգստի և սպորտի բնագավառում, ծառայություններ մշակույթի, հեռուստառադիոհեռարձակման և հրատարակչության ոլորտում, կրոնական և հասարակական այլ գործողություններ և հանգստի, մշակույթի և կրոնի բնագավառներում այլ ոչ դասակարգված գործողություններ:
Որքա՞ն լարի է նախատեսվում հատկացնել ՝
• Ծառայություններ հանգստի և սպորտի բնագավառում - 1 906 000 լարի
• Ծառայություններ մշակույթի ոլորտում - 1 414 600 լարի
• Հեռուստատեսության և ռադիոյի հեռարձակման և հրատարակչական գործունեություն - 86 000 լարի
• Կրոնական և հասարակական այլ գործողություններ `210 000 լարի
• Հանգստի, մշակույթի և կրոնի ոլորտում այլ չդասակարգված գործողություններ `110 000 լարի
Կրթության ոլորտում 2021 թվականի բյուջեով նախատեսվում է 4 578 600 լարի: Կրթության ոլորտը ներառում է նախադպրոցական և ընդհանուր կրթությունը:
Որքա՞ն լարի է նախատեսվում հատկացնել ՝
• Նախադպրոցական կրթություն - 4 506 600 լարի
• Ընդհանուր կրթություն - 72 000 լարի
Մառնեուլիի քաղաքապետարանը որոշում է կայացրել սոցիալական պաշտպանության ոլորտում 2021 թվականի բյուջեի նախագծում հատկացնել 1.630.000 լարի: Այս ոլորտը ներառում է հիվանդների և հաշմանդամների սոցիալական պաշտպանություն, ընտանիքների և երեխաների սոցիալական պաշտպանություն և սոցիալական պաշտպանության ոլորտում այլ չդասակարգված գործողություններ:
Որքա՞ն լարի է նախատեսվում հատկացնել՝
• Հիվանդների և հաշմանդամների սոցիալական պաշտպանություն - 1,150,000 լարի
• Ընտանիքների և երեխաների սոցիալական պաշտպանություն - 475 000 լարի
• Այլ չդասակարգված գործողությունների ոլորտում – 5 000 լարի։

25․01․2021
«Ռադիո Մառնեուլի»
Թարգմ․ ՝ Մարգարիտա Միկսարյան