2023 թվականին Մառնեուլիում շինարարության կանոնները խախտելու համար նշանակվել է 218 000 լարի տուգանք
2023 թվականին Մառնեուլիի մունիցիպալիտետում հայտնաբերվել է
208 շինարարական իրավախախտում։
Այս մասին «Ռադիո Մառնեուլի»-ի նամակին ի պատասխան հայտնել է
քաղաքապետարանի վերահսկողության ծառայության մունիցիպալ
վերահսկողության վարչությունը։ Վիճակագրական տվյալները ցույց են
տալիս, որ տարեկան 208 խախտումներից 151-ը վերաբերում է
անթույլատրելի շինարարությանը, իսկ 57-ը՝ թույլտվության
պայմանների խախտմանը։ Տուգանքների չափը կազմել է 218 000 լարի։
«Մառնեուլիի մունիցիպալիտետի քաղաքապետարանի վերահսկողության
ծառայության քաղաքային վերահսկողության վարչությունը 2023 թվականի
ընթացքում Մառնեուլիի քաղաքապետարանում հայտնաբերել է 208 շինարարական
խախտում։ Այդ խախտումներից 151-ը անթույլատրելի շինարարություն
է, 57-ը թույլտվության պայմանների խախտում։ Ձեռնարկված
միջոցառումների արդյունքում նշանակված տուգանքների չափը կազմել է 218
000 լարի, իսկ 2023 թվականին վճարված տուգանքների չափը՝ 343 609 լարի
(որոշակի մասը) վճարված տույժերը ներկայացնում է 2022 թվականին
նշանակված տուգանքների չափը»։ - Քաղաքապետարանի տրամադրած
տեղեկատվության մեջ նշված է։
Հարկ է նշել, որ Մառնեուլիի քաղաքապետարանի վերահսկողական
ծառայությունը 2022 թվականի 6 ամսում հայտնաբերել է ինքնակամ 18
շինարարություն և թույլտվության պայմանների 36 խախտում։ 2021 թվականի
ընթացքում բացահայտվել է շինարարական իրավախախտման 202 փաստ և
ընդհանուր առմամբ նշանակվել է 272 770 լարի տուգանք։
Ի՞նչ է ապօրինի շինարարությունը
Ապօրինի շինարարությունը օրինական հիմք (թույլտվություն) չունեցող
շինարարություն է։
Ապօրինի շինարարություն է համարվում նաև այն շինարարությունը, որի
շրջանակներում էապես խախտվել են օրենսդրության պահանջները,
մասնավորապես՝ փոփոխվել է շենքի գործառույթը և/կամ գերազանցվել է
զարգացման ինտենսիվության գործակիցը։
Ի՞նչ է նշանակում շինարարության թույլտվության
խախտում
Շինարարական փաստաթղթերով և շինարարական կանոնակարգով սահմանված
շինարարության/թույլտվության պայմանների խախտում, որը դուրս է օրենքով
սահմանված թույլատրելի ուղղման շրջանակներից։
Այն տարբերվում է ամօրինի շինարարությունից նրանով, որ տվյալ դեպքում
շինարարությունն ունի օրինական հիմք՝ թույլտվություն, թեև էապես
խախտված են այս թույլտվությամբ նախատեսված պայմանները։
"Ռադիո Մառնեուլի"
Թարգմ․ ՝ Մարգարիտա Միսկարյան