Հուլիսի 20-ին Մառնեուլիի քաղաքապետ Զաուր Դարգալին «Վրացական
երազանքի» կողմից առաջադրվեց որպես Մառնիուլի և Գարդաբանիի
մեծամասնական թեկնածու:
Համաձայն Վրաստանի Ընտրական օրենսգրքի, գործող քաղաքապետն իրավունք
չունի ընտրություններին մասնակցել, այդ իսկ պատճառով Մառնեուլիի
քաղաքապետը պետք է դադարեցնի իր կարգավիճակը:
«Ռադիո Մառնեուլի»-ի հետ զրույցում Մառնեուլիի քաղաքապետ Զաուր
Դարգալին ասաց, որ դեռ չի կարող հստակեցնել քաղաքապետի կարգավիճակի
դադարեցումը:
Միջազգային թափանցիկության Վրաստանի ավագ իրավաբան Գիգի Չիխլաձեն
«Ռադիո Մառնեուլիի» հետ զրույցում հայտնել է, որ համաձայն վրացական
օրենսդրության ՝ մեծամասնական թեկնածուները պետք է գրանցվեն ԿԸՀ-ին
ընտրություններից ոչ ուշ, քան 30 օր առաջ։
«Կարող է մինչ այդ էլ գրանցվել, բայց վերջնաժամկետը ընտրություններից
30 օր առաջ է։ Տեսակարողեն նա կարող է օգտագործել այս ժամկետը և
չգրանցվել մինչև վերջին պահը»,- ասել է Գիգա Չիխլաձեն։
2020 թվականի խորհրդարանական ընտրությունները նախատեսվում է անցկացնել
հոկտեմբերի 30-ին: Ըստ այդմ, Զաուր Դարգալիի քաղաքապետի կարգավիճակը
պետք է դադարեցվի մինչև սեպտեմբերի 30-ը:
«Ըստ ընտրական օրենսգրքի, նա պետք է դադարեցնի իր քաղաքապետի
կարգավիճակը գրանցումից հետո երկրորդ օրը: Դադարեցումը նշանակում է,
որ նա պետք է հայտարարություն գրի և հրաժարական տա քաղաքապետի
պաշտոնից: Իր պարտականությունները կկատարի իր առաջին տեղակալը: Սա
նշանակում է, որ Մառնեուլիի քաղաքապետ չի ընտրվի, իսկ առաջին տեղակալը
կլինի Մառնեուլիի քաղաքապետը մոտ մեկուկես տարի », - ասել է Գիգի
Չիխլաձեն:
Վրաստանում տեղական ինքնակառավարման մարմինների ընտրությունները
կանցկացվեն 2021 թվականի հոկտեմբերին: Եթե Մառնեուլիի քաղաքապետը
չկարողանա հաղթել 2020 թվականի խորհրդարանական ընտրություններում, նա
այլևս չի կարողանա վերականգնել քաղաքապետի կարգավիճակը։
21/07/2020
«Ռադիո Մառնեուլի»
Թարգմ․ ՝ Մարգարիտա Միսկարյան