თბილისის სამედიცინო უნივერსიტეტის პირველ საუნივერსიტეტო კლინიკაში
დმანისიდან და ბოლნისიდან ორი, ერთი დღის ჩვილები შეიყვანეს.
ერთი მათგანი ორსულობის 33-ე კვირაზე დაიბადა, მეორე კი, 27-ზე. ამის
შესახებ საქართველოს პირველ არხს კლინიკის კლინიკურმა დირექტორმა,
ლალი ტურძელაძემ განუცხადა.
მისი თქმით, ბავშვების მდგომარეობა მძიმეა, მათ სუნთქვის უკმარისობა
აღენიშნებათ და რეანიმაციულ განყოფილებაში არიან მოთავსებული.
კლინიკაში იმყოფება ერთ-ერთი ჩვილის დედაც, რომელსაც ასევე აღენიშნება
ჯანმრთელობის პრობლემა.
ტურძელაძის განცხადებით, ჩვილებს კორონავირუსზე ტესტს აუღებენ.