3 იანვარს თიბისი ბანკის ერთ-ერთ ფილიალში თავდასხმა მოხდა –
საბურთალოზე მდებარე ბანკის ფილიალში ნიღბიანი პირი შეიჭრა რომელსაც
ამჟამად ეძებენ.
როგორც “ნეტგაზეთს” თიბისი ბანკში განუცხადეს, ნიღბიანი პირის
შეჭრისთანავე ფილიალის ერთ-ერთმა თანამშრომელმა მოასწრო განგაშის
სიგნალის გაშვება, რის შემდეგაც პირმა ძარცვა ვერ მოახერხა და გაიქცა.
თავდასხმა სამუშაო საათებში მოხდა – ბანკში იმყოფებოდნენ
კლიენტებიც.
როგორც შინაგან საქმეთა სამინისტროში განუცხადეს “ნეტგაზეთს” ,
ამჟამად მიმდინარეობს ძებნის სამუშაოები. დაწყებულია გამოძიება
სისხლის სამართლის კოდექსის 178-ე და 236-ე მუხლებით.