Kutaisi şəhər məhkəməsi Rusiya vətəndaşını “oğru dünyası”nın üzvü
olmaqda və pul tələb etməkdə təqsirli bilib.
Prokurorluğun məlumatına görə, prosesdə ittiham tərəfi tərəfindən
tədqiq edilən sübutlar sübut edib ki, “qanuni oğru”nun oğlu, Rusiya
Federasiyasının vətəndaşı, kriminal avtoritet İ.D. həyatına son
qoyacağı və əmlakını məhv edəcəyi ilə hədələyərək D.Z-ni vaxtaşırı
ona pul köçürməyə məcbur edib, nəticədə ondan
ümumilikdə 15.000
lari pul tələb edib. Həmçinin təqsirləndirilən şəxs kriminal
avtoritet kimi “oğru dünyası”nda müəyyən edilmiş qaydalara uyğun
olaraq, zorakılıq hədəsi ilə zərərçəkmişdən 15.000 ABŞ dolları və
avtomobilini təhvil verməsini tələb edib.
Hüquq-mühafizə orqanlarının əməkdaşları İ.D.-ni 2021-ci il dekabrın
21-də hakimin qərarı ilə saxlayıb. O, Gürcüstan Cinayət
Məcəlləsinin 223-cü maddəsinin 1-ci hissəsi ("oğru dünyası"na üzv
olmaq) və Mülki Məcəllənin 181-ci maddəsinin 2-ci hissəsinin "c"
bəndi (pul tələb etmə) ilə ittiham olunub.
Kutaisi Şəhər Məhkəməsi təqsirləndirilən şəxsi ittiham üzrə tam
təqsirli bilib və 8 il müddətinə azadlıqdan məhrum edib.