“Agentlər Qanunu”nun yenidən işə salınması ilə əlaqədar İvliane
Xaindrava istefa verib.
O, son beş ildə Barışıq və Vətəndaş Bərabərliyi üzrə Dövlət
Nazirinin müşaviri olub.
“Bu gün ərizə yazdım... Vətəndaş qarşıdurmasına aparan
kursla razılaşmadığım üçün istefa verdim. Mən qanun layihəsini və
onun ikinci dəfə təqdim edilməsindən sonra baş verəcək hər şeyi
nəzərdə tuturam”, - İvliane Xaindrava “Azadlıq”
radiosu
ilə söhbətində bildirib.
İvliane Xaindrava 2019-cu ilin yanvar ayından nazirin müşaviri
vəzifəsini tutub.
İvliane Xaindrava iki çağırış parlamentin deputatı, “Respublika
Partiyası”nın sədri olub və müxtəlif vəzifələrdə çalışıb.
“Gürcü Arzusu” bir daha “Rusiya qanununu” qəbul etməyi
planlaşdırır. Həmin qanun 2023-cü ilin mart ayında kütləvi
etirazlar nəticəsində geri çəkilmişdi. “Gürcü Arzusu” ötən il vəd
vermişdi ki, “Rusiya qanunu” Parlamentə qaytarmayacaqlar. Amma vədi
pozublar. “Gürcü Arzusu” qanun layihəsinin ilkin formasından yalnız
“agent” sözünü çıxarıb və onu xarici maraqların daşıyıcısı ilə əvəz
edib.
Qanuna görə, gəlirinin 20%-dən artığı xaricdən əldə olunan bütün
QHT və media təşkilatlar xarici qüvvələrin maraq daşıyıcısı hesab
olunurlar. Dövlət bu təşkilatların fəaliyyətini və məqsədlərini
araşdırmayacaq, onların hamısına xarici qüvvələrin maraq daşıyıcısı
adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən
gələn maliyyəyə deyil, Avropa və Amerikadan gələn maliyyəyə
istiqamətlənib.
Qanunun irəli sürülməsinə görə, Avropa İttifaqı üzvləri və
Gürcüstanın dost ölkə liderləri öz təəccüblərini bildiriblər,
Rusiya Prezidentinin mətbuat katibi isə “Gürcü Arzusu”-nun qanununu
bəyənib.